Srikanth: టాలీవుడ్ ఇండస్ట్రీలో ఫ్యామిలీ హీరోగా ఎంతో మంచి గుర్తింపు సంపాదించుకున్న నటుడు శ్రీకాంత్ గురించి ప్రత్యేకంగా చెప్పాల్సిన పనిలేదు. ఈయన కెరియర్ మొదట్లో ఒకట్రెండు సినిమాల్లో విలన్ పాత్రలో నటించిన అనంతరం కుటుంబ కథా చిత్రాలను ఎంపిక చేసుకుంటూ ఫ్యామిలీ హీరోగా ఎంతో మంది అభిమానులను సంపాదించుకున్నారు.ఇకపోతే ప్రస్తుతం ఈయన తన సెకండ్ ఇన్నింగ్స్ యంగ్ హీరోలకు బాబాయి పాత్రలో నటిస్తూ సందడి చేయడమే కాకుండా విలన్ గా కూడా మరోసారి ప్రేక్షకుల ముందుకు వచ్చారు.

ఇకపోతే ఎన్నో సినిమాలలో తన అద్భుతమైన నటన ద్వారా అందరినీ మెప్పించిన శ్రీకాంత్ నటి ఊహను పెళ్లి చేసుకున్న విషయం అందరికీ తెలిసిందే. శ్రీకాంత్ ఊహ తో కలిసి సుమారు నాలుగు సినిమాలలో నటించారు. వీరిద్దరూ కలిసి నటించిన మొదటి చిత్రం ఆమె. ఈ సినిమాతోనే శ్రీకాంత్ ఊహ ప్రేమలో పడ్డారు.ఇక తనపై ప్రేమతో నిత్యం తనని తన ఇంట్లో జరిగే ఫంక్షన్లకు తీసుకు వెళుతూ తన కుటుంబానికి దగ్గర చేశారు.

ఈ విధంగా ఊహ పై ఉన్న ప్రేమను శ్రీకాంత్ బయట పెట్టలేదు.అయితే తన కుటుంబ సభ్యులు పెళ్లి సంబంధాలు చూస్తున్న నేపథ్యంలో తనకు ఊహ అంటే ఇష్టమని శ్రీకాంత్ తెలియజేశారు.అదేవిధంగా ఊహ కోసం ఒక బంగారు గొలుసు తీసుకుని తన ఇంటికి వెళ్లి దేవుడి దగ్గరకు వెళ్లి తన తల్లిదండ్రులను కూడా అక్కడికి పిలిచి తను కొన్న బంగారు గొలుసును ఊహ మెడలో వేసి తనంటే ఇష్టమని తనను పెళ్లి చేసుకుంటానని తన ప్రేమను వ్యక్తపరిచారు.

రోహన్ తల్లి పాత్రలో చేయాలని కోరిక…

ఈ విధంగా ఊహ శ్రీకాంత్ వివాహం జరిగిందని శ్రీకాంత్ ఒక ఇంటర్వ్యూలో వెల్లడించారు. ఇకపోతే పెళ్లయిన తర్వాత ఊహ పూర్తిగా ఇండస్ట్రీకి దూరమయ్యారు. ఈమె ఇండస్ట్రీకి దూరం కావడానికి కారణం కేవలం తన పిల్లల బాధ్యతలను నెరవేర్చడం కోసమే తాను ఇండస్ట్రీకి దూరమయ్యారని ప్రస్తుతం వారి ఎదుగుదల ముఖ్యమని తెలియజేశారు. ఇకపోతే తన లైఫ్ లో సెకండ్ ఇన్నింగ్స్ అంటూ ఉండదని ఒకవేళ నటించాల్సి వస్తే తన కొడుకు రోషన్ కి తల్లిపాత్రలో నటించాల్సి వస్తే తన భర్త శ్రీకాంత్ తో కలిసి నటిస్తానని తనకు ఆ కోరిక ఒక్కటే ఉందని ఊహ వెల్లడించారు.ఇక శ్రీకాంత్ నటించిన సినిమాలో తనకి తారక రాముడు, ఖడ్గం సినిమాలంటే ఎంతో ఇష్టమని ఊహ తెలియజేశారు.