Sudheer Varma: టాలీవుడ్ ఇండస్ట్రీలో యంగ్ హీరోగా ఇప్పుడిప్పుడే వరుస అవకాశాలను అందుకుంటు ఇండస్ట్రీలో నిలదొక్కుకోవడం కోసం ప్రయత్నిస్తున్న సుధీర్ వర్మ ఉన్నఫలంగా ఆత్మహత్య చేసుకోవడంతో ఒక్కసారిగా తెలుగు చిత్ర పరిశ్రమ దిగ్భ్రాంతి వ్యక్తం చేసింది. సుధీర్ వర్మ కుందనపు బొమ్మ, సెకండ్ హ్యాండ్ వంటి సినిమాల ద్వారా హీరోగా తెలుగు ప్రేక్షకులకు పరిచయమయ్యారు.

ఇలా హీరోగా ఇండస్ట్రీలో కొనసాగుతున్న సమయంలోనే ఈయన వైజాగ్ లోనే తన నివాసంలో ఆత్మహత్య చేసుకున్నారు. అయితే ఈయన ఆత్మహత్య చేసుకున్న అనంతరం ప్రాథమిక చికిత్స కోసం ఈయనని నగరంలోని ఎల్జి హాస్పిటల్ కి తరలించారు. ఇక్కడ ప్రాథమిక పరీక్షలు నిర్వహించిన అనంతరం హాస్పిటల్ సిబ్బంది ఈయన డేత్ రిపోర్ట్ విడుదల చేశారు.

ఈ సందర్భంగా వైద్యులు తన రిపోర్టులో సంచలన విషయాలను తెలియచేశారు. సుదీర్ వర్మ విషం తాగి మరణించారని డాక్టర్స్ తెలియచేశారు.ఇలా ఈయన విషం తాగి మరణించారనే వార్త తెలియడంతో పోలీసులు విషం తాగి ఆత్మహత్య చేసుకోవడానికి గల కారణం ఏంటి అనే కోణంలో కేసును దర్యాప్తు చేస్తున్నారు.

Sudheer Varma: విషం తాగి మరణించిన సుధీర్ వర్మ…

ఇక ఈ విషయంపై సుదీర్ వర్మ కుటుంబ సభ్యుల స్పందించి సుధీర్ వర్మ గత కొంతకాలంగా అనారోగ్య సమస్యలతో బాధపడుతున్నారని తెలిపారు. అయితే ఈయన అనారోగ్య సమస్యలతో బాధపడుతూ ఆ సమస్యలను అధిగమించలేక ఇలాంటి నిర్ణయం తీసుకున్నారా లేక ఏవైనా ఆర్థిక ఇబ్బందులు, ఇతరుల ఒత్తిడిని తట్టుకోలేక ఇలాంటి నిర్ణయం తీసుకున్నారా అనే విషయం తెలియాల్సి ఉంది.