Surya Kiran : ‘సత్యం’ సినిమాతో తెలుగు సినిమా ఇండస్ట్రీ లో డైరెక్టర్ గా అడుగుపెట్టిన సూర్య కిరణ్ ఆ ఒక్క సినిమాతో డైరెక్టర్ గా మంచి గుర్తింపు తెచ్చుకున్నాడు. మొదట చైల్డ్ ఆర్టిస్ట్ గా రెండోందలకు పైగా సినిమాల్లో నటించిన సూర్య కిరణ్ నటుడుగా కాకుండా డైరెక్టర్ గా ఉండాలని తన కెరీర్ ను ఎంచుకున్నాడు. తమిళ, మలయాళం, తెలుగు వంటి భాషలలో చాలా సినిమాల్లో హీరోలా చిన్నప్పటి పాత్రల్లో నటించిన సూర్య కిరణ్ శోభన్ బాబు, కృష్ణం రాజు, రజనీకాంత్, కమల్ హాసన్ వంటి వారి సినిమాల్లో కూడా నటించారు.
సత్యం సినిమా నాగార్జున వల్లే సుమంత్ చేసాడు…
ఇక మొదటి సినిమా ‘సత్యం’ ఎలా అయిందో సుమంత్ ని హీరోగా ఎందుకు తీసుకున్నాడో సూర్య కిరణ్ పంచుకున్నాడు. సినిమా కథలు రాసుకుని మొదట తమిళంలో ప్రభుదేవా వంటి వారిని సినిమా చేయడానికి అడుగగా కొంచెం యాక్షన్ కథలను రాయడం వల్ల ఇపుడు వద్దు అని ప్రభుదేవా అన్నారట. ఇక తెలుగులో చిరంజీవి, బాలకృష్ణ, వెంకటేష్, నాగార్జున లాంటి హీరోలకు కథను వినిపించాలని వస్తే ఎవరు దొరకలేదు. అన్నపూర్ణ స్టూడియోస్ లో నాగార్జున కలవడం ఆ తరువాత ఏ కథా చెప్పినా నచ్చలేదు.
మొదట ‘ధన’ కథను చెప్పగా ఆ తరువాత ‘సత్యం’ స్టోరీ చెప్పాను. అయితే ధన కథ కంటే సత్యం కథ బాగుందని అయితే అది కొత్తగా వస్తున్న హీరోకి అయితే బాగుంటుందని చెప్పి సుమంత్ ను పరిచయం చేశారట నాగార్జున. ఇక సుమంత్ సోదరి సుప్రియ కూడా కథ విన్నాక సత్యం కథను ఓకే చేసారు. అలా నాగార్జున తో సినిమా చేయాలని వెళితే సుమంత్ తో సత్యం సినిమా చేసి హిట్ కొట్టాడు సూర్య కిరణ్.