Kantara Movie: కాంతార ప్రస్తుతం దేశవ్యాప్తంగా ఈ సినిమా పేరు మారుమోగిపోతుంది.కన్నడ హీరో రిషబ్ శెట్టి హీరోగా ఆయన దర్శకత్వంలో ప్రేక్షకుల ముందుకు వచ్చిన ఈ చిత్రం అన్ని భాషలలో విడుదల అయ్యి ఎంతో అద్భుతమైన విజయాన్ని సొంతం చేసుకుంది.ఇలా 16 కోట్ల రూపాయల బడ్జెట్ తో తెరకెక్కిన ఈ సినిమా వందల కోట్ల రూపాయల కలెక్షన్లను రాబట్టడం అందరిని ఆశ్చర్యానికి గురిచేస్తుంది.
ఈ విధంగా కాంతార సినిమా థియేటర్లలో సక్సెస్ ఫుల్ గా రన్ అవుతున్న నేపథ్యంలో ఈ సినిమా డిజిటల్ స్ట్రీమింగ్ గురించి కూడా ఓ వార్త సోషల్ మీడియాలో వైరల్ అవుతుంది.నవంబర్ 4వ తేదీని ఈ సినిమా డిజిటల్ మీడియాలో ప్రసారమవుతుందంటూ వార్తలు వచ్చినప్పటికీ ఈ వార్తలపై నిర్మాత స్పందించి ఇప్పుడే ఈ సినిమాని డిజిటల్ మీడియాలో ప్రసారం చేయబోమంటూ వెల్లడించారు.
తాజాగా ఈ సినిమా డిజిటల్ స్ట్రీమింగ్ గురించి మరో వార్త సోషల్ మీడియాలో వైరల్ అవుతుంది. ఈ సినిమా డిజిటల్ మీడియా హక్కులను ప్రముఖ ఓటీటీ సంస్థ అమెజాన్ ప్రైమ్ వీడియో కొనుగోలు చేశారు. ఈ క్రమంలోనే ఈ సినిమాని నవంబర్ 18 వ తేదీ నుంచి అమెజాన్ లో ప్రసారం చేయనున్నట్లు సోషల్ మీడియాలో వార్తలు వస్తున్నాయి.
Kantara Movie: అమెజాన్ లో సందడి చేయనున్న కాంతార…
ఈ సినిమా కన్నడ భాషలో సెప్టెంబర్ 30వ తేదీ విడుదలై మంచి విజయాన్ని అందుకుంది. అదేవిధంగా ఈ సినిమా తెలుగులో అక్టోబర్ 15వ తేదీన విడుదల చేశారు. ఈ సినిమా విడుదలయ్యి దాదాపు 45 రోజులు అనంతరం ఈ సినిమాని నవంబర్ 18 వ తేదీ అమెజాన్ లో ప్రసారం చేయనున్నట్లు సోషల్ మీడియాలో వార్తలు వస్తున్నాయి అయితే త్వరలోనే ఈ విషయానికి సంబంధించి అధికారిక ప్రకటన కూడా రానుంది.