కొత్త అపార్ట్‌మెంట్‌ కొనుగోలు చేసిన జెఫ్ బెజోస్.. దాని విలువ ఎంతో తెలుసా..?

న్యూయార్క్‌ లోని ఓ భవనంలో ఒక అపార్ట్‌మెంట్‌ ను అమెజాన్ వ్యవస్థాపకుడు జెఫ్ బెజోస్ కొనుగోలు చేశారు. ఈ అపార్ట్ మెంట్ విలువు ఎంతో తెలుసా.. అక్షరాల మన కరెన్సీలో రూ.171 కోట్లు (23 మిలియన్ డాలర్లు). ఇది 212 ఫిప్త్ అవెన్యూలో ఉన్న 4 బెడ్ రూంల అపార్ట్ మెంట్. ఇది న్యూయార్క్ లోని ప్లాటిరాన్ జిల్లాలో ఉంది. అంతక ముందే ఈ భవనంలో అతడు పెంట్ హౌస్ తోపాటు మూడు అదనపు యూనిట్ లను కొనుగోలు చేశాడు.

ఆ ఒక్క పెంట్ హైసే.. మూడు అంతస్థులు ఉంటుంది. మొత్తం మీద ఈ భవనంలో అతడి మొత్తం ప్రాపర్టీ విలువ వచ్చేసి సుమారు రూ.884 కోట్లకు చేరింది. దీంతో అతడు బిల్డింగ్ లోపల ఉన్న 4,155 చదరపు అడుగుల భాగాన్ని కొనుగోలు చేసినట్లయింది. ఇలా అతడు డబ్బు సంపాదనలోనే కాదు.. ఖర్చు పెట్టడంలోనూ ముందుంటానని నిరూపించాడు. జెఫ్ బెజోస్ కొనుగోలు చేసిన అపార్ట్ మెంట్ నంబర్ 20ఏ. దీని కొనుగోలుకు జూలైలోనే ఒప్పందం కుదుర్చుకున్నాడు.. ఆగస్టు 6న డబ్బులు చెల్లించి సొంతం చేసుకున్నారు.

ఈ కొత్త అపార్ట్‌మెంట్‌ 22, 23, 24వ అంతస్తుల్లో విస్తరించి ఉన్న పెంట్ హౌస్ కింద ఉంటుంది. వీటిలో ఉన్న ప్రత్యేకతలేంటంటే.. ఈ భవనం నుంచి వరల్డ్ ట్రేడ్ సెంటర్, మాడిసన్ స్క్వేర్ పార్క్ లను వీక్షించవచ్చంట. ఇది న్యూయార్క్ నగరంలో మొదటగా నిర్మించిన ఆకాశసౌధాలలో ఒకటిగా వెలుగొందుతోంది.

కోల్డ్ స్టోరేజ్, ది రైట్ ఫిట్ ఫిట్నెస్ సెంటర్, యోగా స్టూడియో ట్రీట్మెంట్ రూమ్, ప్లే రూమ్, ప్రత్యేక గేమ్ రూమ్ ఉంటాయి. ఇందులో రెసిడెన్షియల్ లాంజ్, క్యాటరింగ్ కిచెన్‌తో పాటు డైనింగ్/మీటింగ్ రూమ్ స్క్రీనింగ్ రూమ్ లు కూడా ఉంటాయి. ఈ భవనంలో ఇంకా టెక్సాస్ బిలియనీర్ ఎడ్ బాస్, ఈఎస్పిఎన్ హోస్ట్ మైక్ గ్రీన్బర్గ్, చార్లెస్, సెరిల్ కుష్నర్ వంటి సెలబ్రిటీలు కూడా కొనుగోలు చేశారు.