అమెజాన్ కస్టమర్లకు గుడ్ న్యూస్.. వాటిపై భారీ డిస్కౌంట్?

ప్రముఖ ఈకామర్స్ సంస్థ అమెజాన్ కస్టమర్లకు శుభవార్త చెప్పింది. ఇకపై మెడిసిన్స్ ను సైతం కస్టమర్లు నేరుగా అమెజాన్ నుంచే కొనుగోలు చేసే అవకాశం ఉంటుంది. అమెజాన్ మెడిసిన్స్ కొనుగోలుపై భారీగా డిస్కౌంట్లను అందిస్తుండటం గమనార్హం. ప్రస్తుతం భారత్ లో ఈ అవకాశం లేకపోయినా భవిష్యత్తులో అమెజాన్ సంస్థ భారత్ లోనూ మెడిసిన్స్ ఆర్డర్ చేసే ఛాన్స్ కల్పించనుంది.

ప్రస్తుతం అమెజాన్ ద్వారా షూలు, ఇతర ఉత్పత్తులు ఏ విధంగా ఆర్డర్ చేసుకుంటున్నామో అదే విధంగా మెడిసిన్స్ ను సైతం ఆర్డర్ చేసుకునే అవకాశాలు ఉంటాయి. ప్రస్తుతం అమెజాన్ అమెరికాలో ఉత్పత్తులను డోర్ డెలివరీ చేస్తోంది. త్వరలో ఇతర దేశాల్లో కూడా ఈ సేవలను అందుబాటులోకి తీసుకురావాలని.. మెడిసిన్స్ డోర్ డెలివరీ ద్వారా మరింత మంది కస్టమర్లకు చేరువకావచ్చని భావిస్తోంది.

అమెజాన్ ఫార్మసీ పేరుతో అమెజాన్ ఈ కొత్త సర్వీసులను అందుబాటులోకి తెస్తూ ఉండటం గమనార్హం. వెబ్ సైట్ లేదా యాప్ ద్వారా మెడిసిన్స్ ను కొనుగోలు చేసే అవకాశాన్ని అమెజాన్ కల్పిస్తోంది. లాయల్టీ క్లబ్ మెంబర్లు అమెజాన్ లో మెడిసిన్స్ కొనుగోలు చేయడం ద్వారా భారీ డిస్కౌంట్లను పొందే ఛాన్స్ ఉంటుంది. చాలా సంవత్సరాల నుంచి అమెరికా మెడిసిన్స్ డెలివరీ కోసం ప్రయత్నాలు చేయగా ప్రస్తుతంఅనుమతులు లభించాయి.

ఎప్పటికప్పుడు కొత్త సర్వీసులను అందుబాటులోకి తెస్తూ అమెజాన్ పోటీ సంస్థలకు భారీ షాకులు ఇస్తోందనే చెప్పాలి. మెడిసిన్స్ డెలివరీలో సక్సెస్ అయితే అమెజాన్ భవిష్యత్తులో మరిన్ని రంగాల్లోకి అడుగులు వేయనుంది.