Mokshagna: ఇప్పటికే ఇండస్ట్రీలో ఎంతోమంది సినీ వారసులో హీరోలుగా కొనసాగుతూ మంచి గుర్తింపు సంపాదించుకున్నారు. అయితే నందమూరి బాలయ్య వారసుడు మాత్రం ఇప్పటివరకు ఇండస్ట్రీలోకి అడుగుపెట్టలేదు. స్టార్ హీరోల వారసులు టీనేజ్ లోనే ఇండస్ట్రీలోకి అడుగుపెడుతూ ప్రేక్షకులను ఎంటర్టైన్ చేస్తుంటారు కానీ మోక్షజ్ఞ మూడు పదుల వయసుకు చేరువవుతున్నారు.

ఇలా ఈయన 30 సంవత్సరాల వయసుకు దగ్గర పడుతున్న ఇప్పటివరకు ఇండస్ట్రీలోకి అడుగు పెట్టకపోవడంతో బాలయ్య అభిమానులు ఎంతో నిరుత్సాహం వ్యక్తం చేస్తున్నారు. అయితే గత ఐదు సంవత్సరాల నుంచి బాలకృష్ణ తన కుమారుడి సినీ ఎంట్రీ ఉంటుంది అంటూ ప్రకటిస్తూనే ఉన్నారు. కానీ ఇప్పటివరకు ఎలాంటి అధికారిక ప్రకటన కూడా వెలబడలేదు అయితే వచ్చే ఏడాది మాత్రం ఈయన ఎంట్రీ ఉంటుందని గతంలో బాలయ్య చెప్పారు.

ఇకపోతే ప్రస్తుతం మోక్షజ్ఞ కూడా హీరోగా ఎంట్రీ ఇవ్వడం కోసం తనని తాను పూర్తిగా మలుచుకున్నారని తెలుస్తుంది. ఈ ఎలక్షన్ హడావిడి పూర్తి కాగానే బాలయ్య ఫోకస్ మొత్తం మోక్షజ్ఞ పైనే ఉంటుందని సమాచారం అయితే ఈయనని ఇండస్ట్రీకి పరిచయం చేసే అవకాశం బోయపాటికి ఇచ్చారని తెలుస్తోంది.

అల్లు అర్జున్ కథతో..
బోయపాటి శ్రీను ఇప్పటికే స్క్రిప్ట్ కూడా సిద్ధం చేసి పెట్టారట గతంలో అల్లు అర్జున్ కోసం తయారు చేసుకున్నటువంటి కథతోనే మోక్షజ్ఞను ఇండస్ట్రీకి పరిచయం చేయబోతున్నారని తెలుస్తోంది. ఈ విధంగా అల్లు అర్జున్ కథతో మోక్షజ్ఞ ఇండస్ట్రీలోకి రాబోతున్నారని తెలిసి పలువురు అభిమానులు ఈ కథతో మోక్షజ్ఞను ఇండస్ట్రీకి లాంచ్ చేస్తూ బాలయ్య రిస్క్ చేస్తున్నారేమో అంటూ సందేహాలను వ్యక్తం చేస్తున్నారు.