బిగ్ బాస్ 5 రియల్టీ హౌస్ లో కంటెస్టెంట్స్ తగ్గుతున్నా కొద్ది.. టాస్క్ తీవ్రత కూడా పెంచుతున్నారు బిగ్ బాస్ నిర్వాహకులు. తాజాగా టీవీలో టెలికాస్ట్ అయిన ఎపిసోడ్ లో బిగ్ బాస్ లో ఉన్న 16 మందిని జంటలుగా విడిపొమ్మని చెప్పాడు. దీని కంటే ముందు వాళ్లు వెయిట్ ను చెక్ చేసి.. ఓ బోర్డు మీద రాశారు. అందులో ప్రతీ ఒక్కరి వెయిట్ కనిపిస్తుందట.
అలా జరగుతున్న క్రమంలోనే ఇంట్లో ఉన్న తిను బండారాలు మొత్తం రేషన్ రూంలో పెట్టి తాళం వేసేశారు. దీంతో వాళ్ల వెయిట్ ను అంతక ముందు ఉన్న దాని కంటే తగ్గాలని.. అలా అయితేనే కెప్టెన్సీ టాస్క్ లో ఫర్ ఫామ్ చేసేందుకు చాన్స్ ఉంటుందని తెలిపారు. దీంతో వాళ్లు ఎనిమిది జంటలుగా విడిపోయారు. ఎవరికీ వారు కసరత్తు మొదలు పెట్టారు.
ఇలా చేస్తున్న దానిలో లోబో కాసేపు నవ్వులు పూయించాడు. నటరాజ్ తో లోబో జంటగా ఏర్పడ్డాడు. ఇక నటరాజ్ చెప్పిన మాట వింటూ.. లోబో అతడి ముందు బయపడినట్లుగా చేశారు. గెలవాలంటే తగ్గాల్సిందేలో ఎవరికి వారు తగ్గడానికి ప్రయత్నించారు. ఈ క్రమలోనే మధ్యలో టాస్క్ లు ఇస్తున్నాడు. అందులో మొదటిది.. ‘పట్టుకోండి చూద్దాం’. దీనిని ఒక జంట పవర్ రూంకి వెళ్లి.. ఆ జంటకు ఎవరు ప్రతి జంటగా రావాలని కోరుకుంటున్నారో చెప్పాలి.
ఇలా మొదట నటరాజ్ ఆ పవర్ రూం యక్సెస్ పొంది.. శ్రీరామ్, హమిదాను సెలెక్ట్ ఈ టాస్క్ కు ఎంపిక చేసుకున్నారు. కానీ చివరకు ఆ టాస్క్ లో నటరాజ్, లోబో ఓడిపోయి.. వాళ్లకు ఉన్న వెయిట్ కంటే.. మరి కొంత బరువును పెంచుకున్నారు. శ్రీరామ్, హమిదా వెయిట్ ను తగ్గించుకున్నారు. దీంతో నటరాజ్ కాస్త అసహనానికి గురయ్యి.. లోబోతో విచిత్రంగా మాట్లాడుతుండగ.. లోబో ముఖ కవలికలు నవ్వు తెప్పించాయి.
చూస్తుండగానే బిగ్ బాస్ సీజన్ 5 ముందుకు సాగుతూ ఎండ్ కు వచ్చేస్తోంది. ఒకరిపై ఒకరు అరుచుకోవడం మళ్లీ మొదలైంది. నాలుగోవారం ఎలిమినేషన్ ప్రక్రియ మొదలైంది. ఇప్పడే వీళ్ల రంగు కూడా బయటపడుతోంది. 19 మంది అడుగు పెట్టిన ఈ హౌస్ లో ప్రస్తుతం 16 మంది మిగిలారు. ఇందులో ముఖ్యంగా లోబోకు ప్రియాకు మధ్య వార్ ఓ రేంజిలో చోటుచేసుకుంది.
తాజాగా ఓ ప్రోమో స్టార్ మా రిలీజ్ చేసింది. ఇందులో విశ్వ, నటరాజ్ మాస్టర్‌ మధ్య మాటల యుద్ధం జరగనున్నట్లు తెలుస్తోంది. బయట యాక్టింగ్‌ చేస్తావు, అదే యాక్టింగ్‌ హౌస్‌లోనూ చేస్తున్నావు అని చెప్పడానికి నువ్వెవరు? అని విశ్వ నటరాజ్ మాస్టార్ ను అడుగుతాడు. దీనికి నటరాజ్ మాస్టర్‌ బరాబర్‌ అలాగే మాట్లాడతానని కోపంతోనే సమాధానం ఇచ్చాడు.
ఇక లోబో ప్రియాను నామినేట్ చేసినట్లు కనిపిస్తోంది. వీరిద్దరి మధ్య మాటల యుద్ధం తారాస్థాయికి చేరిందనే చెప్పాలి. బెలూన్స్ పట్టుకొని తొలి ప్రేమకు సంబంధించి చెప్పమని అడగడంతో అందరూ వాటి గురించి చెప్పిన విషయం తెలిసిందే. అందులో సిరి లవ్ స్టోరీ అందరినీ ఆకట్టుకుంది. అయితే అక్కడ లోబో చెప్పినదానికి ప్రియా సినిమా స్టోరీలా ఉందని కామెంట్ చేయడం అతడికి నచ్చలేదని.. ఇదే విషయాన్ని నామినేషన్‌లో ప్రస్తావిస్తూ ఆమెపై దురుసుగా ప్రవర్తిస్తాడు.
అరిచనంత మాత్రానా ఇక్కడ ఏం జరగదని.. అంటుంది ప్రియా. లోబో కాసేపు ఏడుస్తూ కనిపించగా.. అతడి దగ్గరకు రవి వచ్చి ఓదార్చుతాడు. చివరకు మనస్సులో ఒకటి పెట్టుకొని బయటకు ఒకటి మాట్లాడొద్దు లోబో అంటూ ఘాటుగానే స్పందిస్తుంది ప్రియా. ప్రస్తుతం ప్రోమో వైరల్ అయింది.
బిగ్ బాస్ సీజన్ 5 రియాల్టీ షోలో బిగ్ బాస్ ఇచ్చిన కెప్టెన్సీ కంటెండర్ టాస్క్ తారాస్థాయికి చేరిందనే చెప్పాలి. రెండు టీంలుగా విడిపోయిన వీళ్లు రచ్చ రచ్చ చేశారు. ఒకరిపై ఒకరు అరుచుకుంటూ.. ఒకరి మీద ఒకరు పడుకుంటూ.. ఇష్టం వచ్చినట్లు చేశారు. ఇరు జట్లకు సంబంధించి పిల్లోస్ ను డగౌట్స్ లో పెట్టి వాటి కోసం వేట సాగించారు.
వారి వారి పిల్లోస్ ను కాపాడుకుంటూ.. ఇతర టీంకు సంబంధించి పిల్లోస్ ను పాడు చేయాలి. ఈ క్రమంలో ఒక పిల్లోను సిరి తన షర్ట్ లోపల దాచుకుంది. దానిని సన్నీ తీసే ప్రయత్నం చేశాడని.. దీనిపై హౌస్ లో సిరి పెద్ద గొడవ చేసింది. కానీ సిరి దాచుకున్న పిల్లోను సన్నీ తీయకుండా ఆమెను ఆపాడు. తర్వాత శ్వేత కోసం పిలిచి.. తర్వాత ఆమెను వదిలేశాడు.
ఆమె చేసిన ఆరోపణలు హౌస్ లో కొంచెం టెన్షన్ వాతావరణం కనిపించింది. అయితే సన్నీ మాత్రం నేను అలా చేయలేదని చెప్పాడు. వీడియో స్లో మోషన్ లో చూస్తే సన్నీ చేయిపెట్టలేదని కనిపిస్తోంది. ఈ గేమ్ కొనసాగుతున్న క్రమంలోనే లోబో కళ్లు తిరిగి కింద పడిపోయాడు. తర్వాత రవి-విశ్వకు మధ్య వార్ తారాస్థాయికి చేరింది.
లోబోకి అలా ఉంటే.. ఇప్పుడు కూడా గేమ్ అడుతారా ‘ఛీ’అంటూ గట్టిగా అరిచాడు. దీంతో గద్ద టీమ్ సభ్యుడైన విశ్వ.. మాటలు మంచిగా రానివ్వంటూ రవిపై సీరియస్‌ అయ్యాడు. బిగ్ బాస్ లోబోను డాక్టర్ రూంకి తీసుకెళ్లి పరీక్షించారు. తర్వాత అతడు మామూలుగా మారిపోయాడు. తర్వాత మళ్లీ రవి టీమ్ సభ్యులు గేమ్ ఆడటం మొదలు పెట్టారు. గేమ్ మధ్యలో లోబోకు ఇలా జరిగితే ఆట ఎలా ఆడుతారంటూ.. విశ్వ ఎదుటి టీంపై విరుచుకుపడిపోయాడు. ఇలా ఆ గేమ్ లో మొదటి అంకం ముగిసింది. రెండో అంకం ఈ రోజు మొదలు కానుంది.
లోబో అంటేనే అందరికీ టక్కున అతని వేషధారణ గుర్తుకొస్తుంది. విచిత్రమైన వేషధారణలో అందరినీ సందడి చేస్తూ ప్రేక్షకుల మదిలో బాగా గుర్తుండిపోతారు. కెరియర్ మొదట్లో యాంకర్ గా పరిచయమైన లోబో ఆ తర్వాత ఇండస్ట్రీకి దూరమయ్యారు. ఇలా ఇండస్ట్రీకి దూరమైనప్పటికీ ఈయన పేరును మాత్రం ప్రేక్షకులు మర్చిపోలేదు. యాంకర్ గా ప్రేక్షకులను సందడి చేసిన లోబో ప్రస్తుతం బిగ్‌బాస్‌ సీజన్ ఫైవ్ ఎంట్రీ ఇచ్చారు.
ఈ క్రమంలోనే బిగ్ బిగ్‌బాస్‌ లోకి అడుగుపెట్టిన లోబో గురించి నెటిజన్లు పెద్దఎత్తున సెర్చ్ చేయడం మొదలుపెట్టారు. లోబో ఎవరు.. ఏంటి అనే విషయాలను గురించి ఇక్కడ తెలుసుకుందాం.. లోబోగా అందరికీ పరిచయమైన ఇతని అసలు పేరు మహమ్మద్‌ ఖయ్యూం. ఇతను పక్క హైదరాబాద్ వాసి. ప్రస్తుతం ఇతని వయస్సు 39 సంవత్సరాలు. 8వ తరగతి వరకు చదువుకున్న లోబో తొమ్మిదవ తరగతి చదువుతున్న సమయంలో స్కూల్లో ఏదో దొంగతనం కారణంగా తనకి టీసి ఇచ్చి పంపించారు.
ఈ విధంగా పైచదువులకు నోచుకోని లోబో హీరోయిన్ కాజోల్ అంటే ఎంతో ఇష్టం ఉండేది. అయితే ఆమెను కలవడం కోసం ఇంట్లో కొంత డబ్బును దొంగలించి ముంబైకి వెళ్ళాడు. అలా ముంబైకి వెళ్లిన లోబో హీరోయిన్ కాజోల్ ను కలవకపోగా తన వెంట తీసుకెళ్లిన డబ్బులు మొత్తం అయిపోయాయి. ఈ క్రమంలోనే ఎన్నో కష్టాలను అనుభవించిన అతను ముంబై నుంచి కొందరి సహాయంతో గోవా చేరుకున్నారు.
ఈ విధంగా గోవాలో టాటూ వేయడం నేర్చుకున్న లోబో తిరిగి హైదరాబాద్ చేరుకొని టాటూ బిజినెస్ పెట్టారు. ఇలా టాటూ వేసే సమయంలో ఒక రష్యన్ యువతి ఇతను వేసిన టాటూ బాగా నచ్చడంతో అప్పటివరకు మహమ్మద్‌ ఖయ్యూంగా కొనసాగుతున్న అతనికి రష్యన్ యువతి ఎంతో ముద్దుగా లోబో అనే పేరును పెట్టింది. అయితే ఆ పేరు తనకి నచ్చడంతో అప్పటి నుంచి లోబోగానే కొనసాగుతున్నారు. లోబో పేరు ద్వారా యాంకర్ గా పరిచయమైన ఇతను ప్రస్తుతం బిగ్‌బాస్‌ హౌస్ లోకి ఎంట్రీ ఇచ్చారు. మరి లోబో బిగ్‌బాస్‌ హౌస్ ద్వారా ఎలాంటి పాపులారిటీని దక్కించుకుంటారో వేచి చూడాలి.
Top Telugu website in the world | Telugu Gossips | Breaking News Headlines, Latest Andhra News, Telangana News, India News, World News – Telugudesk.net
