రెండు రోజుల క్రితం యాంకర్ వర్ష చేతి వేలికి ఉంగరం, చేతిలో తాళిబొట్టు పట్టుకొని జూలై నాలుగవ తేదీన ఓ విషయం చెప్పబోతున్నాను అంటూ చేసిన పోస్ట్ వైరల్ గా మారింది. ఈ పోస్ట్ చూసిన నెటిజన్లు అందరూ వర్షని త్వరలోనే పెళ్లిపీటలు ఎక్కబోతోందా అంటూ పెద్ద ఎత్తున కామెంట్లు చేశారు. అయితే తాజాగా వర్ష చేసిన ఆ పోస్ట్ పై నెటిజన్లు పెద్ద ఎత్తున తిట్లదండకం మొదలుపెట్టారు. నెటిజన్లు అంత ఎత్తున కో పడడానికి కూడా కారణం ఉంది.

సాధారణంగా పెళ్లి అనేది ఎంతో సాంప్రదాయబద్దంగా జరిగే వేడుక. కానీ ఈ డ్రామా ఆర్టిస్టులు అందరూ కలిసి పెళ్లిని ఎంతో హేళన చేసి చూపించడంతో నెటిజన్లు వీరిపై తీవ్రస్థాయిలో మండిపడుతున్నారు. శ్రీదేవి డ్రామా కంపెనీ కార్యక్రమం ద్వారా జబర్దస్త్ కామెడీ అమలు చేసే స్కిట్ లు తీవ్ర వివాదాలకు తెర లేపడం సర్వసాధారణమైంది. తాజాగా వర్షా కూడా తాళిబొట్టుని చూపిస్తూ చేసిన పోస్ట్ ఈ కార్యక్రమంలో స్కిట్ లో భాగమే అని తెలియడంతో, వీరి పిచ్చి పీక్ కు చేరింది అంటూ పెద్దఎత్తున ఆగ్రహం వ్యక్తం చేస్తున్నారు.

వచ్చేవారం ప్రసారమయ్యే శ్రీదేవి డ్రామా కంపెనీ కార్యక్రమంలో భాగంగా ఈ ప్రోమోను విడుదల చేశారు. ప్రస్తుతం ఈ కార్యక్రమానికి సంబంధించిన ప్రోమో విడుదల కావడంతో ఇది చూసిన నెటిజన్లు ఛీఛీ.. ఇదేం పబ్లిసిటీ అంటూ వర్ష పై తీవ్రస్థాయిలో నెటిజన్లు ఆగ్రహం వ్యక్తం చేస్తున్నారు. ఈ వీడియోలో యాంకర్ వర్ష ఇమ్మానుయేల్‌ని పెళ్లాడుతూ కనిపించింది. చూడ్డానికి పరమచెత్తగా బోరింగ్‌గా ఉన్న ఈ ప్రోమోలో వర్ష-ఇమ్మానుయేల్‌ పెళ్లి జరగడమే కాకుండా ఈ పెళ్లికి వర్ష వెడ్స్ ఇమ్మానియేల్ అని పెళ్లి పత్రిక ఉండటం ఎంతో విడ్డూరం.

ఈ విధంగా కమెడియన్ లకు మల్లెమాల సమస్థ పెళ్లి చేయడం కొత్త ఏమి కాదు. గతంలో రష్మి, సుదీర్ జంటకు పెళ్లి చేసి అధిక రేటింగ్ సంపాదించిన ఈ సమస్థ ఆ తరువాత ఎంతో మంది కమెడియన్లకు పెళ్లిళ్లు చేస్తూ వచ్చారు. తాజాగా వర్షా -ఇమ్మానియేల్ జంటకు పెళ్లి చేస్తూ మల్లెమాల పెళ్లిళ్ల కళ్యాణ మండపంలా మారిపోయింది. ఈ క్రమంలోనే నెటిజన్లు మల్లెమాల పై తిట్ల దండకం మొదలుపెట్టారు. పబ్లిసిటీ కోసం మరీ ఇంత దారుణంగా ప్రవర్తించడం సరికాదంటూ నెటిజన్లు పెద్దఎత్తున ఫైర్ అవుతున్నారు.