గత కొద్ది రోజుల నుంచి సమంత నాగ చైతన్య విడాకుల విషయం గురించి సోషల్ మీడియాలో పెద్దఎత్తున కథనాలు వస్తున్నాయి. ఈ క్రమంలోనే సమంత నాగచైతన్య దంపతులు అక్టోబర్ 2వ తేదీ అధికారికంగా వారి విడాకుల విషయాన్ని ప్రకటించారు. ఇదిలా ఉండగా సమంత అక్టోబర్ 2వ తేదీ నుంచి ఏ విధంగాను సోషల్ మీడియా వేదికగా స్పందించలేదు. ఈ క్రమంలోనే నేడు సమంత మొట్టమొదటిసారిగా తన ఇంస్టాగ్రామ్ ద్వారా స్పందిస్తూ భావోద్వేగమైన పోస్ట్ చేశారు.

నిజానికి సమంత అక్టోబర్ 8వ తేదీ జరగబోయే లాక్ మీ ఫ్యాషన్ షోలో భాగంగా ఒక ఫోటోను ఇంస్టాగ్రామ్ ద్వారా షేర్ చేశారు. ఇందులో సమంత వైట్ కలర్ డ్రెస్ లో ఎంతో అందంగా ఉంటూ వైట్, పింక్ కలర్ గులాబీ పువ్వులు పెట్టుకుని కిందకు చూస్తూ ఉన్నారు. ఈ ఫోటోను ఇన్స్టాగ్రామ్ ద్వారా షేర్ చేస్తూ ఫోటో కింద ఇలా రాసుకొచ్చింది.

పాత ప్రేమ పాటలు… పర్వతాలు, శిఖరం పై వీచే శీతాకాలపు గాలిలుల ధ్వని.. పోగొట్టుకున్న పాత చిత్రాల ప్రేమ పాటలు దొరికినప్పుడు లోపలి బాధను ప్రతిధ్వనించే ప్రేమ పాటలు.. పాత బంగళాలు.. సంధులలో గాలి శబ్దం అంటూ సమంత ఎమోషనల్ అయ్యారు. అయితే ఈ పోస్ట్ సమంత ఫ్యాషన్ షో కి సంబంధించినది అయినప్పటికీ ఇందులో ఏదో తెలియని బాధ ఉన్నట్టు తెలుస్తోంది.

See more

ఇకపోతే సమంత నాగచైతన్య 2017 అక్టోబర్ 7వ తేదీ ఎంతో ఘనంగా వివాహం చేసుకున్నారు. ఈ క్రమంలోనే అన్ని సక్రమంగా జరిగి ఉంటే ఈ దంపతులు ఇద్దరూ వీరి నాలుగవ పెళ్లి రోజున నేడు ఎంతో ఘనంగా జరుపుకునే వారు.నేడు తన పెళ్లి రోజు కావడంతో సమంత తన ప్రేమను గుర్తుచేసుకుని ఎమోషనల్ అయిందని పలువురు అభిప్రాయం వ్యక్తం చేస్తున్నారు.