సాధారణంగా మనకు పాము కనబడితే ఏం చేస్తాం చెప్పండి.. పాము కనపడితే అక్కడి నుంచి మన ప్రాణాలను అరచేతిలో పెట్టుకుని ఆమడ దూరం పరుగులు తీస్తాం. మరికొందరు పాము పేరు వినగానే భయంతో వణికిపోతారు. ఏ కొందరు ధైర్యవంతులు మాత్రమే హానికరమైన పాములు మనకు హాని చేయాలని చూస్తే వాటిని చంపడానికి ప్రయత్నిస్తారు. అచ్చం ఈ విధంగానే ఓ మహిళ పాముని చూసి భయంతో బయటకు పరుగులు పెట్టిన ఘటన చోన్బూరి పరిధిలో ఉన్న ఒక స్టోర్లో చోటు చేసుకుంది. పూర్తి వివరాల్లోకి వెళితే…
చోన్బూరి పరిధిలో ఉన్న ఒక స్టోర్లో మహిళ ఉద్యోగి కౌంటర్లో పని చేసుకుంటూ ఉండగా ఏదో ఒక వస్తువును రిఫ్రిజిరేటర్ లో పెట్టాలని అక్కడి నుంచి లేచి వెళ్ళింది. ఈ విధంగా ఫ్రీజర్లో మహిళ ఏదో పెడుతుండగా స్టోర్ ప్రధాన ద్వారం నుంచి ఏదో పాకుతూ లోపలకు రావడం సదరు మహిళ గమనించింది.
ఈ విధంగా స్టోర్ లోకి వేగంగా పాకుతూ వస్తున్నదని పాము అని గమనించిన ఆ మహిళకు ఒక్కసారిగా గుండె ఆగినంత పని అయింది.పామును చూడగానే ఎంతో భయంతో అక్కడినుంచి ప్రాణాలను కాపాడుకోవడం కోసం బయటకు పరుగులు పెట్టింది. స్టోర్ లో కేవలం మహిళ ఒక్కటే ఉండటం వల్ల ఎవరికీ ఎలాంటి ప్రమాదం జరగలేదు.
ఈ విధంగా పాముని చూడగానే మహిళ బయటకు పరుగులు పెట్టిన ఘటన అక్కడే ఉన్నటువంటి సీసీ కెమెరాలలో రికార్డ్ కావడంతో ఈ వీడియో కాస్త ప్రస్తుతం సోషల్ మీడియాలో వైరల్ గా మారింది. ఈ వీడియో చూసిన నెటిజన్లు ఒక్కదానివే ఉన్నావని నీకి కంపెనీ కోసం పాము వచ్చిందని ఫన్నీ కామెంట్స్ చేయగా… మరికొందరు మీ సమయస్ఫూర్తికి హాట్సాఫ్ అంటూ కామెంట్ చేస్తున్నారు. ప్రస్తుతం ఈ వీడియో సోషల్ మీడియాలో వైరల్ గా మారింది.