ఎస్.ఎస్.తమన్ ఈ పేరు గురించి తెలియని వారు ఎవరూ ఉండరు. తెలుగు సినిమా ఇండస్ట్రీలో ఎన్నో అద్భుతమైన సినిమాలకు సంగీతం అందిస్తూ ప్రస్తుతం ఎంతో బిజీగా ఉన్న బాలకృష్ణ నటించిన అఖండ సినిమాతో అద్భుతమైన విజయాన్ని తన ఖాతాలో వేసుకున్నారు. అఖండ సినిమా సూపర్ హిట్ అవడానికి గల కారణం తమన్ పాత్ర కూడా ఎంతో ఉందని ప్రత్యేకంగా చెప్పాల్సిన పని లేదు.
ఈ సినిమా కోసం ఆయన అందించిన బ్యాక్ గ్రౌండ్ మ్యూజిక్ ప్రతి ఒక్క ప్రేక్షకుడిలో పూనకాలు తెప్పించే విధంగా ఉన్నాయి. ఇదిలా ఉండగా తాజాగా ఎస్.ఎస్.తమన్ ఆలీతో సరదాగా కార్యక్రమంలో పాల్గొని తన గురించి ఎన్నో విషయాలను పంచుకున్నారు. ఈ క్రమంలోనే ఈ కార్యక్రమానికి సంబంధించిన ప్రోమో విడుదల చేయడంతో ఇది కాస్త వైరల్ గా మారింది.
ఈ క్రమంలోనే అలీ ఎన్నో ప్రశ్నలు అడుగుతూ అతని దగ్గర నుంచి సమాధానాలు రాబట్టారు. ఎస్.ఎస్.తమన్ కేవలం ఆరవ తరగతి వరకు మాత్రమే చదువుకున్నారని అప్పటికే తన తండ్రి చనిపోవడంతో తన కంటి నుంచి ఒక కన్నీటి చుక్క కూడా రాలేదని తన తల్లి, అక్కను ఎలా చూసుకోవాలనేది తన మైండ్లో నిలిచిపోయిందని ఈ సందర్భంగా చెప్పారు. ఇక అప్పుడు తన తండ్రి ఎల్ఐసి పాలసీ ద్వారా 60000 రావడంతో ఆ డబ్బుతో డ్రమ్స్ కొనుక్కొని ఇలా ఇండస్ట్రీ వైపు అడుగులేసాను అని తెలిపారు.
చిన్నప్పటి నుంచి తనకు సంగీతం అంటే ఎంతో ఇష్టమని స్కూల్లో కూడా ఎప్పుడు డ్రమ్స్ కొడుతూ ఉంటే టీచర్స్ ఎక్కువగా నన్ను బయట నీల్ డౌన్ చేయించేవారని తెలిపారు. అదే సమయంలో నాన్న చనిపోవడంతో చదువు పూర్తిగా పక్కన పెట్టి సంగీతం వైపు వెళ్లానని బాలకృష్ణ నటించిన భైరవ ద్వీపం సినిమాకు డ్రమ్స్ వాయించానని ఈ సందర్భంగా తమన్ తెలిపారు. ఈ సినిమాలో చేసినందుకు తనకు 30 రూపాయలు శాలరీ ఇచ్చేవారని ఈ కార్యక్రమంలో తన మొదటి పారితోషికం గురించి తెలిపారు. అలా 2002లో బాలకృష్ణ భైరవద్వీపం ద్వారా పరిచయమయ్యి తిరిగి 20 సంవత్సరాలకు తనతో అఖండ సినిమా చేసే అవకాశం లభించిందని తెలిపారు.