టాలీవుడ్ హీరో సుమంత్ గురించి ప్రత్యేకంగా చెప్పాల్సిన పనిలేదు. ఇతను ప్రస్తుతం హిట్లు, ప్లాపులు అని తేడా లేకుండా వరుసగా సినిమాలు చేస్తూ దూసుకుపోతున్నాడు. ఇటీవలే మళ్లీ రావా సినిమాతో మంచి హిట్ ను అందుకున్న సమంత తాజాగా మళ్ళీ మొదలైంది అనే సినిమాతో ప్రేక్షకుల ముందుకు రానున్నాడు. ఈ సినిమాకు టీజీపీటీ కిర్తి కుమార్ దర్శకత్వం వహిస్తున్నాడు. ఇందులో సుమంత్ సరసన నైనా గంగూలీ హీరోయిన్ గా నటిస్తోంది.

అలాగే బుల్లితెర యాంకర్ వర్షిని కూడా ఒక ముఖ్య పాత్రలో నటిస్తోంది. విడాకుల తర్వాత ఒక మగాడి జీవితం ఎలా ఉంటుంది అన్న కాన్సెప్టుతో ఈ సినిమా తెరకెక్కనుంది. ఇప్పటికే ఈ సినిమా నుంచి విడుదలైన ఫస్ట్ లుక్ పోస్టర్ ప్రేక్షకులను బాగానే ఆకట్టుకున్నాయి. ఈ నేపథ్యంలోనే తాజాగా ఈ సినిమాకు సంబంధించిన ట్రైలర్ ను విడుదల చేశారు మూవీ మేకర్స్.

ఈ సినిమా ట్రైలర్ ను సెన్సేషనల్ దర్శకుడు రాంగోపాల్ వర్మ విడుదల చేశారు. ఈ ట్రైలర్ లో మొదట టామ్ క్రూయిజ్- నికోల్ కిడ్, బిల్ గేట్స్ – మిలిందా గేట్స్, బ్రాడ్ ఫైట్ – ఏంజిలీనా జోలి జంటలను చూపిస్తూ కొన్ని పెళ్లిళ్లు విడాకులతో ఎండ్ అవుతాయి అంటూ చూపించారు. ఈ సినిమాలో విడాకుల అనంతరం ఒక మగాడు జీవితంలో జరిగిన పరిణామాలు, సానుభూతులు లాంటివి టైలర్ లో చూపించడం జరిగింది.

ఈ సినిమాలో మొదటి భార్య అయినా వర్షిని తో విడాకులు తీసుకున్న తరువాత ఆ కేసులో తన భార్య తరఫున వాదించిన లాయర్ ని చూసి ప్రేమలో పడటం, ఆమెను ప్రేమలో దింపడానికి ప్రయత్నించడం ట్రైలర్ లో చూపించారు. సినిమా న్యూ ఏజ్ రొమాంటిక్ కామెడీ అండ్ ఫ్యామిలీ ఎంటర్ టైనర్ గా రూపొందుతున్న ఈ సినిమా ప్రేక్షకులను తప్పకుండా ఆకట్టుకుంటుందని ఈ సినిమా యూనిట్ ధీమా వ్యక్తం చేశారు. ఇప్పటికే ఈ సినిమా షూటింగ్ పూర్తి చేసుకున్న చిత్ర బృందం త్వరలోనే విడుదల చేయనున్నారు.