యంగ్ టైగర్ ఎన్టీఆర్ దీపావళి పండుగను పురస్కరించుకుని తన కుటుంబంతో కలిసి ఎంతో సంతోషంగా దీపావళి పండుగను జరుపుకున్నట్లు తెలుస్తోంది. ఈ క్రమంలోనే తన కొడుకులతో కలిసి దిగిన ఫోటోలను సోషల్ మీడియా వేదికగా అభిమానులతో పంచుకున్నారు. ఈ క్రమంలోనే ఈ ఫోటోలలో తారక్ చేతికి బ్యాండేజ్ చుట్టి ఉండడంతో అభిమానులు తారక్ చేతికి ఏమైంది అంటూ ఆందోళన పడ్డారు.

అయితే తారక్ చేతికి ఏమైందనే విషయానికి వస్తే తాజాగా తారక్ జిమ్ లో వర్కవుట్ చేస్తుండగా చిన్న ప్రమాదానికి గురైనట్లు తెలుస్తోంది. ఈ క్రమంలోనే అతని కుడి చేతి వేలుకు గాయం కావడం చేత వైద్యులు చిన్న సర్జరీ నిర్వహించినట్లు వెల్లడించారు.ఈ క్రమంలోనే వైద్యుల సలహా మేరకు తారక్ పూర్తిగా ఇంటికి పరిమితమై రెస్ట్ తీసుకుంటున్నట్లు తెలుస్తోంది.

ఏది ఏమైనా తెలుగు హీరోలు ఇలా వరుసగా ప్రమాదాల బారిన పడుతూ సర్జరీలు చేయించుకోవడం పట్ల అభిమానులు ఆందోళన వ్యక్తం చేస్తున్నారు. గత కొద్ది రోజుల క్రితం మెగాస్టార్ చిరు తన కుడిచేతి మణికట్టుకు సర్జరీ చేయించుకోగా, బాలకృష్ణ కుడి భుజానికి సర్జరీ చేయించుకున్నారు. ఈ క్రమంలోనే తారక్ కుడి చేతికి సర్జరీ కావడంతో అభిమానులు ఆందోళన చెందాల్సిన పని లేదని సన్నిహిత వర్గాలు వెల్లడిస్తున్నాయి.

ఇక సినిమాల విషయానికి వస్తే తారక్ నటించిన RRR విడుదలకు సిద్ధంగా ఉంది. జనవరి 7వ తేదీ ఈ సినిమా ప్రేక్షకుల ముందుకు రానుంది. ఈ క్రమంలోనే తారక్ కొరటాల కాంబినేషన్ లో వస్తున్నటువంటి మరొక సినిమా నెల రోజులలో షూటింగ్ పనులను ప్రారంభిస్తున్నట్లు తెలుస్తోంది