Jr NTR: దర్శక ధీరుడు ఎస్ ఎస్ రాజమౌళి దర్శకత్వంలో ఎంతో ప్రతిష్టాత్మకంగా తెరకెక్కిన చిత్రం ఆర్ఆర్ఆర్.ఈ సినిమాతో మంచి విజయాన్ని తన ఖాతాలో వేసుకున్న జూనియర్ ఎన్టీఆర్ తన తదుపరి చిత్రాన్ని కొరటాల శివ దర్శకత్వంలో చేయనున్నట్లు ప్రకటించారు. అయితే ఇప్పటికే ఈ సినిమా షూటింగ్ మొదలు కావాల్సి ఉండగా కొన్ని కారణాల వల్ల వాయిదా పడుతుంది.
ఇకపోతే ఎన్టీఆర్ తన అన్నయ్య కళ్యాణ్ రామ్ నటించిన బింబిసారా సినిమా ప్రమోషన్ కార్యక్రమాలలో బిజీగా ఉన్నారు. ఈ క్రమంలోని ఈయన ఫ్రీ రిలీజ్ వేడుకకు కూడా ముఖ్యఅతిథిగా హాజరైన విషయం మనకు తెలిసిందే. సినిమాల పరంగా తనకు సంబంధించిన విషయాలను అభిమానులతో పంచుకునే తారక్ తన వ్యక్తిగత విషయాలను మాత్రం అభిమానులతో పంచుకోవడానికి ఇష్టపడరు.
అయితే ఎప్పుడైనా తన ఫ్యామిలీతో కలిసి దిగిన ఫోటోలను షేర్ చేస్తే మాత్రం క్షణాల్లో వైరల్ అవుతుంటాయి.అయితే తాజాగా తన భార్య లక్ష్మీ ప్రణతితో కలిసి దిగినటువంటి ఒక రొమాంటిక్ ఫోటోని తారక్ సోషల్ మీడియా ద్వారా షేర్ చేశారు. ఒక బల్లపై ఎన్టీఆర్ ప్రణతి ఎదురెదురుగా కూర్చుని చేతిలో కాఫీ కప్పుతో సరదాగా మాట్లాడుతూ ఉండగా దిగినటువంటి ఈ ఫోటోని సోషల్ మీడియాలో షేర్ చేశారు.
Jr NTR: ఇలాంటి క్షణాలు అంటూ ఫోటో షేర్ చేసిన తారక్…
ఈ ఫోటోని తారక్ షేర్ చేస్తూ ఇలాంటి క్షణాలు అంటూ క్యాప్షన్ జోడించారు. ఈ క్రమంలోనే ఈ పోస్ట్ క్షణాల్లో వైరల్ అవ్వడమే కాకుండా ఈ ఫోటో చూసిన ఎన్టీఆర్ ఫ్యాన్స్ ఫుల్ ఖుషి అవుతున్నారు. ఇక సినిమాల విషయానికి వస్తే త్వరలోనే కొరటాల శివ సినిమాతో ఎన్టీఆర్ బిజీ కానున్నారు. ఈ సినిమా అనంతరం ప్రశాంత్ నీల్ దర్శకత్వంలో తన తదుపరిచిత్రాన్ని చేయబోతున్నారు.