కొన్ని సంవత్సరాల క్రితం తెలుగులోనే కాదు.. దక్షిణాది సినీ పరిశ్రమలో స్టార్ హీరోయిన్‌గా వెలుగు వెలిగిన నటి ఇలియానా. అయితే ఆ తర్వాత క్రమంగా ఈ భామకు అవకాశాలు కరువు అయ్యాయి. వైవీఎస్ చౌదరి దర్శకత్వంలో రూపొందిన దేవదాసు అనే సినిమాతో హీరోయిన్‌గా ఎంట్రీ ఇచ్చిన నటి ఇలియానా.. కొంతకాలంలోనే తెలుగు ఇండస్ట్రీలో స్టార్ హీరోయిన్‌గా ఎదిగిపోయింది.
తెలుగుతో పాటు తమిళంలోనూ స్టార్ హీరోలతో నటించి ఫుల్ బిజీ అయిపోయింది. ఇక బాలీవుడ్ లో కూడా బర్ఫీ మూవీతో ఎంట్రీ ఇచ్చింది. అక్కడ కూడా ఈ భామ నటనకు మంచి గుర్తింపు వచ్చింది. అయితే పరిస్థితులు ఎప్పుడు ఒకేలా ఉండవు. బాలీవుడ్‌కి ఎంట్రీ ఇచ్చిన తర్వాత ఇలియానాకు క్రమంగా అవకాశాలు తగ్గిపోతూ వచ్చాయి.
ఇదిలా ఉండగా ఆమె ప్రస్తుతం ఫిట్ నెస్ పై వర్కౌట్ చేస్తున్నారు. వర్కవుట్లతో ఇలియానా బిజీగా ఉంటుంది. తాజాగా ఆమె జిమ్ లో చేసే వర్కవుట్ల గురించి.. ట్రైనర్ గురించి చెబుతూ.. కన్నీరు పెట్టుకున్నారు. ఇలాంటిది తన జీవితంలో ఎప్పుడూ జరగలేదని చెప్పుకొచ్చింది. ట్రైనర్ ఇలా అన్నాడు. నీ చేతులను నీ దగ్గర పెట్టుకొని.. నీ బాడీ గురించి నువ్ ఆలోచించుకో… నీ కోసమే నీ శరీరం ఎంత కష్టపడుతుందో ఆలోచించు..అని ట్రైనర్ చెప్పగానే నిజమే కదా అని అనిపించినట్లు చెప్పింది.
అతడు చెప్పిన విధంగా చేసిన తర్వాత తనకు ఎంతో సంతోషం వేసిందని.. మీరుకూడా ఒక్కసారి అలా చేసుకోండి అంటూ చెప్పుకొచ్చింది. . ఒకప్పుడు బిజీ హీరోయిన్‌గా ఉన్న ఆమె.. మళ్లీ అలాగే మారాలని ప్రణాళికలు రచిస్తోంది. ఇప్పటివరకూ కేవలం కమర్షియల్ సినిమాలు మాత్రమే చేసిన ఆమె.. తన కెరీర్‌లో తొలిసారిగా లేడీ ఓరియంటెడ్ సినిమాలు చేసేందుకు రెడీ అవుతోందంటూ టాక్ వినిపిస్తోంది.