Balakrishna: నందమూరి బాలకృష్ణ వెండితెరపై మాత్రమే కాకుండా డిజిటల్ మీడియాలో కూడా తనదైన శైలిలో తన హవా కొనసాగిస్తున్నారు. టాలీవుడ్ బడా ప్రొడ్యూసర్ అల్లు అరవింద్ మొట్టమొదటిసారిగా తెలుగు డిజిటల్ ప్లాట్ ఫామ్ ఆహాను స్థాపించిన సంగతి తెలిసిందే. ఆహా ద్వార ఎన్నో టాక్ షోలు, వెబ్ సిరీస్ లు, సినిమాలను ప్రసారం చేస్తూ ప్రేక్షకులను సందడి చేస్తున్నారు.

ఈ క్రమంలోనే ఆహా ద్వారా బాలయ్య వ్యాఖ్యాతగా ప్రసారమైన అన్ స్టాపబుల్ కార్యక్రమానికి వ్యాఖ్యాతగా వ్యవహరిస్తున్న సంగతి మనకు తెలిసిందే.ఈ కార్యక్రమం నెంబర్ వన్ స్థానంలో దూసుకెళ్తూ ఎంతో మంచి గుర్తింపు సంపాదించుకుంది. ఫిబ్రవరి 4వ తేదీ మహేష్ బాబుతో ఎపిసోడ్ ప్రసారం అవుతూ మొదటి సీజన్ పూర్తి అవుతుంది.

ఈ విధంగా ఈ కార్యక్రమం మంచి సక్సెస్ కావడం వెనుక ఎంతో మంది శ్రమ దాగి ఉందని ఈ కార్యక్రమం డైరెక్టర్ బివిఎస్ రవి వెల్లడించారు.ముఖ్యంగా ఈ కార్యక్రమాన్ని బాలయ్య ఇంత విజయవంతంగా నడిపించడం వెనుక బాలకృష్ణ గారి చిన్న కుమార్తె తేజస్విని పాత్ర చాలా ఉందని రవి బయటపెట్టారు.

Balakrishna : కీలకంగా మారిన తేజస్విని..

ఈ కార్యక్రమంలో బాలయ్య డ్రెస్సింగ్ లుక్, హెయిర్ స్టైల్ ఎంతో అద్భుతంగా ఉన్నాయి. అయితే ఈ కార్యక్రమం కోసం ఆయన చిన్న కుమార్తె తేజస్విని ఎంతో సెర్చ్ చేసి ఆయన అందంగా కనిపించడం కోసం ఎంతో కృషి చేశారని రవి వెల్లడించారు. ఈ విధంగా ఈ కార్యక్రమం విజయంలో తేజస్విని పాత్ర చాలా కీలకంగా ఉందని ఈ సందర్భంగా బయటపెట్టారు.