Pradeep: బుల్లితెరపై ఎంతోమంది ఫిమేల్ యాంకర్లుగా కొనసాగుతూ ఎంతో మంచి సక్సెస్ అందుకున్నారు. అయితే టాలీవుడ్ ఇండస్ట్రీలో మేల్ యాంకర్లు చాలా తక్కువగా ఉన్నారని చెప్పాలి. ఇలా మేల్ యాంకర్ గా ఇండస్ట్రీలో ఎంతో మంచి గుర్తింపు సంపాదించుకున్నటువంటి వారిలో యాంకర్ ప్రదీప్ ఒకరు. ఈయన యాంకర్ గా ఇండస్ట్రీలో ఎంతో మంచి సక్సెస్ అందుకున్నారు. ఎన్నో బుల్లితెర కార్యక్రమాలకు యాంకర్ గా వ్యవహరిస్తూనే మరోవైపు సినిమాల్లో కూడా చిన్న చిన్న పాత్రలలో నటించేవారు. అయితే ఈయన హీరోగా కూడా 30 రోజులలో ప్రేమించడం ఎలా అనే సినిమాలో నటించారు.

ఈ సినిమా తర్వాత ప్రదీప్ తన తదుపరి సినిమాలను ప్రకటించలేదు. అయితే ఉన్నఫలంగా ఈయన బుల్లితెరపై ఏ ఒక్క కార్యక్రమానికి యాంకర్ గా వ్యవహరించలేదు ఇలా బుల్లితెరకు దూరం అవడంతో అందరూ ప్రదీప్ యాంకరింగ్ కి దూరం కావడానికి గల కారణం ఏంటి అని ఆరా తీయడం మొదలుపెట్టారు.అయితే తాజాగా ఈయన సోషల్ మీడియా వేదికగా ఒక వీడియోని షేర్ చేశారు.

సినిమాలతో బిజీ..
ఇందులో పెద్ద ఎత్తున ఈయన జిమ్ లో వర్కౌట్స్ చేస్తూ కనిపించడంతో అందరూ ఒక్కసారిగా షాక్ అయ్యారు. ఈ వీడియోలో భాగంగా ప్రదీప్ కండలు తిరిగిన శరీరంతో కనిపిస్తూ ఉన్నారు. ఇలా ఈయన భారీ స్థాయిలో కష్టపడుతూ ఉండడంతో తన తదుపరి సినిమా కోసమే ప్రదీప్ ఇలా కష్టపడుతున్నారని తెలుస్తుంది. మరి ఈయన తదుపరి సినిమా ఏంటి ఎలాంటి నేపథ్యంలో ఆ సినిమా ప్రేక్షకుల ముందుకు రాబోతుందనేది తెలియాల్సి ఉంది.