Upasana: మెగా కోడలు ఉపాసన రాంచరణ్ భార్యగా మెగా ఇంటి కోడలుగా మాత్రమే కాకుండా ప్రముఖ బిజినెస్ ఉమెన్ గా కూడా ఎంతో మంచి పేరు ప్రఖ్యాతలను సంపాదించుకున్న సంగతి మనకు తెలిసిందే. ఇలా వృత్తిపరమైన జీవితంలో ఎంతో బిజీగా ఉన్నటువంటి ఈమె తనకు సంబంధించిన అన్ని విషయాలను సోషల్ మీడియా వేదికగా అభిమానులతో పంచుకుంటారు.

ఈ క్రమంలోనే ఇటీవల హైదరాబాద్ లో జరిగినటువంటి గ్లోబల్ స్పిర్చువాలిటీ మహోత్సవ్ కార్యక్రమానికి హాజరైంది. ఈ కార్యక్రమంలో రాష్ట్రపతి ద్రౌపది ముర్ముని, ఈ కార్యక్రమాన్ని నిర్వహిస్తున్న కమలేష్ దాజిని కలిసింది. ఇందుకు సంబంధించిన ఫోటోలు వీడియోలను ఈమె సోషల్ మీడియాలో షేర్ చేశారు.

నేడు ప్రపంచ శాంతి కోసం జరుగుతున్న గ్లోబల్ స్పిర్చువాలిటీ మహోత్సవ్ లో గౌరవనీయులైన భారత రాష్ట్రపతి శ్రీమతి ద్రౌపది ముర్ముజీ గారిని నా కుమార్తె క్లిన్‌ కారా కొణిదెలతో కలవడం చాలా ఆనందంగా ఉంది. ఈ అవకాశం ఇచ్చినందుకు ప్రత్యేకంగా ధన్యవాదాలు తెలియజేస్తూ రాష్ట్రపతిని కలిసినటువంటి ఫోటోలను షేర్ చేశారు.

అభిమానులకు దర్శనం ఎప్పుడు..
ఇలా తన ముద్దుల కూతురును ఏకంగా ఇండియన్ ప్రెసిడెంట్ కు చూపించినటువంటి ఉపాసన ఇప్పటివరకు అభిమానులకు మాత్రం చూపించలేదు. దీంతో ఈ ఫోటోలపై ఎంతోమంది మెగా అభిమానులు స్పందిస్తూ మెగా ప్రిన్సెస్ దర్శనం మాకు ఎప్పుడు వదిన ఎప్పుడు పాపను చూపిస్తారు అంటూ పలువురు ఈ ఫోటోలపై కామెంట్లు చేస్తున్నారు.