Nuvvu Naku Nachav: విక్టరీ వెంకటేష్ ఆర్తి అగర్వాల్ జంటగా కుటుంబ కథ నేపథ్యంలో తెరకెక్కిన చిత్రం నువ్వు నాకు నచ్చావ్.ఈ సినిమా ఇప్పటికీ బుల్లితెరపై ప్రసారమైన ప్రేక్షకులు కన్నార్పకుండా చూస్తారు.ఇలా బాక్స్ ఆఫీస్ వద్ద బ్లాక్ బస్టర్ అయినటువంటి ఈ సినిమా గురించి పలు ఆసక్తికరమైన విషయాలను ఇక్కడ తెలుసుకుందాం.

నువ్వే కావాలి వంటి బ్లాక్ బస్టర్ సినిమా తర్వాత త్రివిక్రమ్ నువ్వు నాకు నచ్చావ్ సినిమా కథ సిద్ధం చేశారు. ఈ కథ విన్నర్ వెంకటేష్ క్షణం కూడా ఆలోచించకుండా ఈ సినిమాకు గ్రీన్ సిగ్నల్ ఇచ్చారు.అయితే త్రివిక్రమ్ రాసిన స్క్రిప్ట్ లో బ్రహ్మానందం సన్నివేశాలు అవుట్ డోర్ షూటింగ్ లేదు కానీ కొందరు సూచనల మేరకు సురేష్ బాబు ఈ సన్నివేశాలను జత చేశారు.

ఇక ఈ సినిమాలో ఆర్తి అగర్వాల్ తండ్రి పాత్రలో నాజర్ రఘువరన్ వంటి నటులను పరిశీలించారు. అయితే ఈ పాత్రకు కేవలం నటుడు ప్రకాష్ రాజ్ మాత్రమే న్యాయం చేయగలరని భావించిన దర్శక నిర్మాతలు ఆయన కోసం ఎదురు చూశారు. ఆ సమయంలోనే ప్రకాష్ రాజ్ పై ఫిలిం ఛాంబర్ బ్యాన్ విధించింది. అయితే ఆయనకు ఆ బ్యాంక్ తొలగిపోయే వరకు వేచి చూసిన దర్శక నిర్మాతలు అనంతరం ఆయనతో ఈ సినిమా చేశారు.

రెండు వారాలు కూడా కష్టమే అన్నారు…

ఈ విధంగా ఈ సినిమా 190 నిమిషాల నిడివితో థియేటర్లో విడుదలైంది. ఇక ఈ సినిమా చూసిన అభిమానులు ఈ సినిమా పట్ల పెద్దగా ఆసక్తి కనబడచకపోవడంతో ఈ సినిమా ఫలితం ఆశాజనకంగా లేదని చెప్పాలి.అయితే మొదటి వారం ఈ సినిమా చూసిన ప్రేక్షకాభిమానులు ఈ సినిమా రెండు వారాలు కూడా థియేటర్లో ఆడడం కష్టమని భావించారు. అయితే రెండవ వారం నుంచి ఈ సినిమా కలెక్షన్లు పుంజుకోవడమే కాకుండా హిట్ టాక్ సొంతం చేసుకుంది.వెంకటేష్ ఆర్తి అగర్వాల్ నటించిన నువ్వు నాకు నచ్చావ్ సినిమా బాక్స్ ఆఫీస్ వద్ద బ్లాక్ బస్టర్ సినిమాగా నిలబడిందని చెప్పాలి.