Venu Swamy: ప్రముఖ ఆస్ట్రాలజర్ వేణు స్వామి ఎంతోమంది సినీ రాజకీయ నాయకులకు సంబంధించిన జాతకాలని చెబుతూ తరచు వార్తలు నిలుస్తున్నారు. ఈ క్రమంలోనే ఈయన తాజాగా రామ్ చరణ్ ఉపాసనలకు జన్మించిన చిన్నారి జాతకం చెబుతూ సంచలన వ్యాఖ్యలు చేశారు. ఈ సందర్భంగా వేణు స్వామి ఉపాసన కుమార్తె జాతకం గురించి చెబుతూ ఈ చిన్నారి పునర్వసు నక్షత్రంలో జన్మించిందని తెలిపారు.

దైవాంశమైనటువంటి పునర్వసు నక్షత్రంలో పుట్టినటువంటి ఈ చిన్నారి జాతకం ఎంతో అద్భుతంగా ఉందని వేణు స్వామి తెలిపారు. భవిష్యత్తులో ఈమెకు రాజయోగం ఉందని తన తాత చిరంజీవి తండ్రి రామ్ చరణ్ లను మించి పేరు ప్రఖ్యాతలు సంపాదించుకుంటుందని వేణు స్వామి తెలిపారు. చిన్నారి అద్భుతమైన గడియలలో జన్మించిందని ఈమె గొప్ప జాతకురాలు అంటూ వేణు స్వామి తెలియజేశారు.

ఇక పాప పుట్టిన గడియలను బట్టి చూస్తే ఉపాసన రాంచరణ్ లకు మగ సంతానం కలిగే అవకాశాలు ఏమాత్రం లేవని ఈయన తెలియజేశారు. ఇలా ఈ దంపతులకు మరో సంతానం ఉండకపోవచ్చు అంటూ వేణు స్వామి చేసినటువంటి ఈ కామెంట్స్ వైరల్ అవుతున్నాయి. ఇక వేణు స్వామి చిన్నారి గురించి మాట్లాడుతూ అద్భుతమైన మహాజాతకురాలుగా ఉన్నటువంటి ఈ చిన్నారి చిన్న సమస్యలతో బాధపడుతుందని తెలిపారు.

Venu Swamy: ఆ సమస్యలు వెంటాడుతాయి..

ఈమెకు అదృష్ట యోగం ఉన్నప్పటికీ పంటికి, చెవికి సంబంధించి చిన్న సమస్యలు కూడా తలెత్తుతాయి అంటూ వేణు స్వామి తెలియజేశారు. ఇలా మెగా ఇంట్లో చిన్నారి జన్మించడంతో మెగా కుటుంబ పరువు ప్రతిష్టలు మరింత పెరుగుతాయి అంటూ ఈ సందర్భంగా వేణు స్వామి చేసిన ఈ కామెంట్స్ సంచలనంగా మారాయి.