Analyst Damu Balaji : దళంలో నక్సలైట్ లు పెళ్లిళ్లు… పిల్లల్ని కనకూడదు… ఆ రూల్ ఎందుకంటే…: అనలిస్ట్ దాము బాలాజీ

Analyst Damu Balaji : నక్సలిజం, మావోయిస్టులు ఈ పేర్లు ఇప్పుడు వినడం తక్కువైంది కానీ ఒకప్పుడు అన్నల పేరు చెబితే పల్లెల్లు భయపడేవి. తుపాకీ పడితేనే న్యాయం జరుగుతుందని సాయుధ తిరుగబాటుతోనే దేశంలో న్యాయం ఉంటుందని భావించి అడవిలో ఉంటూ పోలీసుల మీద రాజకీయ నాయకుల మీద పోరాడుతున్న సామాన్య జనంకు అండగా ఉన్నాం అంటూ చెప్పే మావోయిస్టు దళాలు ప్రస్తుతం అంత యాక్టీవ్ గా లేవు. ఒకప్పటి నక్సలిజంతో పోలిస్తే ఇపుడు బాగ తగ్గిపోయింది. ముఖ్యంగా తెలుగు రాష్ట్రాల్లో నక్సలిజం ప్రభావం తగ్గింది ఇంకా కొంత ఛతీష్గడ్ ప్రాంతంలో ఇప్పటికీ కొంత ప్రభావం చూపుతున్నారు. అలాంటి మావోయిస్టులు వారి సిస్టమాటిక్ జీవితం అడవిలో ఎలా ఉంటుందో మాజీ నక్సలైట్ ప్రస్తుతం అనలిస్ట్ గా ఉన్న దాము బాలాజీ వివరించారు.

పెళ్లిళ్లు చేసుకున్నా పిల్లల్ని కనరు…

నక్సల్ జీవితం అంతా అడవిలోనే ఉంటుంది. అయితే పట్టణాల్లో కూడా కొంతమంది తిరుగుతూ ఉంటారు. కొరియర్లు అనే పేరుతో మరింతమంది ఉంటారు. నక్సల్ లో పెద్ద లీడర్లు ఎవరు ఎక్కడుంటారో ఎవరికీ తెలియదు. అలాంటి వారు కలవాలి మాట్లాడాలంటే మధ్యలో కొరియర్లు అనే వాళ్ళు పనిచేస్తారు. వారి ద్వారా కలిసి మాట్లాడుకుని మళ్ళీ ఎవరికి వారు అజ్ఞాతంలోకి వెళ్ళిపోతారు. ఇదంతా ఒక సిస్టమేటిక్ విధానంలో జరుగుతుంది అంటూ బాలాజీ తెలిపారు. దళం పేరుతో టీమ్స్ ఉంటాయి. నక్సలైట్ జీవితంలో పెళ్లి ఉంటుంది కానీ పిల్లలు ఉండరు. పిల్లల్ని కంటే సమస్యలు వస్తాయి అందుకే కనకూడదు అంటూ అందుకే నాకు పిల్లలు లేరు అంటూ చెప్పారు. ఇక పిల్లల్ని కనడం వల్ల జరిగే పరిణామాలు చాలా తీవ్రంగా ఉంటాయి అంటూ జరిగిన సంఘటన చెప్పారు బాలాజీ. ఒక కొరియర్ జంట ద్వారా దాదాపు ముగ్గురు అగ్ర లీడర్లు కలవాలని అనుకున్నారు.

అయితే ఆ కొరియర్ జంటకు ఒక పాప ఉంది, ఐదో తరగతి చదువుతున్న ఆ పాపను పోలీసులు తమ కస్టడీలో పెట్టుకుని మెయిన్ లీడర్లను పట్టిస్తే పాప బతుకుతుంది లేదంటే చంపేస్తామని బెదిరించారు. అలా ముగ్గురు లీడర్లను ఇంటికి పిలిచి మత్తు కలిపిన ఆహారం పెట్టడంతో పోలీసులకు దొరికిపోయారు. వారిని ఎన్కౌంటర్ చేసారు. ఆ కొరియర్ జంటను విదేశాలకు పంపించేసారని చెప్పుకుంటారు అందుకే నక్సలైట్స్ పిల్లల్ని కనరు, రూల్ ఉంటుంది అంటూ చెప్పారు. ఇక పెట్టే రూపాయి ఖర్చు చెప్పాల్సిందే. దళ సభ్యులకు జీతాలు ఉండవు. కేవలం పట్టణాల్లో తిరిగే నక్సలైట్స్ కి మాత్రం డబ్బు యిస్తారు. ప్రతి రూపాయికి లెక్క చెప్పాలి అంటూ ఆయన అనుభవాలను పంచుకున్నారు బాలాజీ.