Venu Thottempudi: వేణు తొట్టెంపూడి స్వయంవరం సినిమాతో హీరోగా తెలుగు ప్రేక్షకులకు పరిచయమైన అనంతరం చిరునవ్వు హనుమాన్ జంక్షన్ పెళ్ళాం ఊరెళితే వంటి ఎన్నో సినిమాలలో నటించారు. ఇలా ఎన్నో సినిమాలలో హీరోగా సహాయ నటుడిగా నటించిన వేణు చివరిసారిగా బోయపాటి శ్రీను దర్శకత్వంలో ఎన్టీఆర్ హీరోగా తెరకెక్కిన దమ్ము సినిమాలో నటించారు. ఈ సినిమా అనంతరం వేణు పూర్తిగా ఇండస్ట్రీకి దూరమయ్యారు.
ఈ క్రమంలోనే తాజాగా ఈయన రవితేజ హీరోగా నటించిన రామారావు ఆన్ డ్యూటీ అనే సినిమాలో నటించారు.ఇలా చాలా కాలం తర్వాత ఇండస్ట్రీలోకి రీ ఎంట్రీ ఇచ్చిన వేణు ఈ సినిమా ప్రమోషన్ కార్యక్రమాలలో భాగంగా ఎన్నో ఇంటర్వ్యూలలో పాల్గొన్నారు.ఈ ప్రమోషన్ కార్యక్రమాలలో భాగంగా తాను తన కెరీర్ గురించి ఎన్నో విషయాలను తెలియజేశారు.
ఈ క్రమంలోని తను దేశముదురు సినిమాని మిస్ చేసుకున్నానని తెలిపారు. అదేవిధంగా దమ్ము సినిమా విషయంలో తనకు అన్యాయం జరిగిందని తాను నటించిన సన్నివేశాలన్నీ తొలగించారంటూ తెలియజేశారు. ఇకపోతే తాజాగా మహేష్ బాబు త్రివిక్రమ్ శ్రీనివాస్ కాంబినేషన్లో వచ్చిన అతడు సినిమా లో నటించే అవకాశం కూడా తనకు వచ్చిందని తెలిపారు.
సోను సూద్ పాత్రలో ముందుగా నాకే అవకాశం వచ్చింది…
అతడు సినిమాలో సోను సూద్ నటించిన పాత్ర చేసే అవకాశం ముందుగా తనకు వచ్చిందని అయితే కొన్ని కారణాలవల్ల ఆ పాత్రలో తాను నటించలేకపోయానని ఈ సందర్భంగా వేణు తెలిపారు.ఇలా మహేష్ బాబుతో తాను స్క్రీన్ షేర్ చేసుకుని అవకాశాన్ని కోల్పోయానని ఈ సందర్భంగా వేణు అతడు సినిమా గురించి వెల్లడించారు. ప్రస్తుతం ఈయన చేసిన ఈ కామెంట్స్ సోషల్ మీడియాలో వైరల్ గా మారాయి.