విజయ్ దేవరకొండ ‘అర్జున్ రెడ్డి’ సినిమాతో మాస్ ప్రేక్షకులకు దగ్గర అవ్వడమే కాకుండా యూత్ లో ఓ ట్రెండ్ ను సెట్ చేశాడు. ఆ సినిమా నుంచే అతడికి విపరీతమైన ఫ్యాన్ ఫాలోయింగ్ పెరిగింది. అయితే ఇటీవల విజయ్ దేవరకొండ నిర్మాతగా అవతారమెత్తిన విషయం తెలిసిందే. అతడు తన సినిమాల షూటింగ్ లకు హాజరవుతూనే.. ఇటు నిర్మాణ బాధ్యతలను చూస్తున్నాడు.
అయితే తన సోదరుడు ఆనంద్ దేవరకొండ హీరోగా.. విజయ్ నిర్మించిన చిత్రం ‘పుష్పక విమానం’. ఈ సినిమాకు సంబంధించిన ప్రమోషన్లలో విజయ్ దేవరకొండ ఫుల్ బిజీ అయిపోయాడు. ఇటీవల ఈ సినిమాకు సంబంధించి ఫ్రీ రిలీజ్ ఈవెంట్ జరిగింది. దీంతో విజయ్ అభిమానుల కేరింతలతో వైజాగ్ లో ఆ ప్రదేశం అంతా సందడిగా మారింది.
తనను ఆదిరించినట్లే తన సోదరుడు ఆనంద్ ను కూడా ఆదిరించాలని అభిమానులను కోరాడు. ఈ ఈవెంట్ కు ముందు ఆ చిత్ర సభ్యులు ఓ హోటల్లో బస చేశారు. అందులో విజయ్ దేవరకొండ, ఆనంద్ దేవరకొండ ఇద్దరూ కలిసి ఒకే బెడ్ ను షేర్ చేసుకున్నారు. దీనిని ఉదయం లేవగానే విజయ్ నాతో ఈ రోజు బెడ్ షేర్ చేసుకుంది ఎవరో చూడండి అంటూ కెమెరాను తన పక్కనే పడుకున్ వ్యక్తి వైపు తిప్పుతూ.. దుప్పటిని లాగాడు.
అందులో ఉన్నది అతడి సోదరుడు ఆనంద్. కెమెరా అతడివైపు చూపిస్తూ.. నీ పెళ్లాం ఎక్కడరా.. అంటూ అడుగుతాడు విజయ్ దేవరకొండ. నిద్ర మత్తులో ఉన్న ఆనంద్ కొద్దిగా చిరాకు పడతాడు. నువ్వెందుకు ఇక్కడ పడుకున్నావ్.. నీ పెళ్లాం ఏదిరా అంటూ విజయ్ అడుగుతాడు. దానికి అతడు.. కొద్ది సేపు కెమెరా వైపు చూసి.. ‘లేచిపోయిందిరా భయ్’ అంటూ చెబుతాడు. ఈ వీడియో సోషల్ మీడియాలో వైరల్ గా మారింది.