అతడికే నా సపోర్టు.. నీ బెస్టు ఇవ్వు మ్యాన్ : సోనూసూద్

తెలుగులో ప్రసారం అవుతున్న అతి పెద్ద రియాల్టీ షో బిగ్ బాస్ 5. ఇది దాదాపు ఎండ్ కు వచ్చేసింది. హౌస్ లో కేవలం 10 మంది మాత్రమే ఉన్నారు. త్వరలో ఒకరు ఎలిమినేట్ అయిపోయి 9 మందితో ముందుకు సాగనుంది. అయితే ప్రస్తుతం హౌస్ లో ఉన్నవాళ్లు అంతా స్ట్రాంగ్ అనే చెప్పాలి. వీళ్లకు బయట సెలబ్రిటీల తమదైన శైలిలో సపోర్ట్ చేస్తున్నారు.

ఒకొక్కరూ ఒక్కో విధంగా సోషల్ మీడియాలో ఓట్ ఫర్ శ్రీరామ్, ఓట్ ఫర్ రవి అంటూ.. ఇలా ప్రేక్షకులను వేడుకుంటున్నారు. అయితే సోనుసూద్ కూడా తెలుగు బిగ్ బాస్ హౌస్ లో ఉన్న ఒక వ్యక్తికి సపోర్ట్ చేస్తూ.. తన ఇన్ స్టాలో ఓ వీడియోను పోస్టు చేశాడు. అందులో ఏముందంటే.. ‘‘అందరికీ హాయ్.. బిగ్ బాస్ సీజన్ 5 చూస్తున్నారా.. నేను కూడా చూస్తున్నాను.. షోలో నీ బెస్ట్‌ ఇవ్వు శ్రీరామ్‌.

అతడికే నా సపోర్ట్.. లవ్‌ యూ మ్యాన్‌’’ అని చెప్పుకొచ్చాడు. దీంతో శ్రీరామ చంద్ర అభిమానుల ఆనందానికి హద్దులు లేకుండా పోయాయి. ఇక బిగ్ బాస్ సీజన్ 5 టైటిల్ కచ్చితంగా శ్రీరామ్ దే అంటూ కామెంట్లు చేస్తున్నారు. సోనుసూద్ శ్రీరామ్ కు మద్ధతు తెలపడంతో అతడి ఓటింగ్ శాతం పెరిగే అవకాశం ఉంటుందనేది నెటిజన్లు అభిప్రాయం.

ఎవరు గెలుస్తారు.. ఎవరు ఇంటి నుంచి బయటకు వస్తారు.. అనేది తెలియాలంటే.. మరి కొన్ని వారాలు ఆగాల్సిందే. ఇప్పటికే హౌస్ లో ఈ వారం బయటకు రావడానికి నామినేట్ అయిన సభ్యులు రవి, సన్ని, మానస్, కాజల్ మరియు సిరి. దీనిలో ఎక్కువగా ఎలిమినేట్ ఛాన్స్ కాజల్, రవికి ఉన్నాయనేది నెటిజన్లు అభిప్రాయపడుతున్నారు.