మంచు విష్ణు సన్నిహితులు హైపర్ ఆదిని కొట్టారా?? నిజమెంత ?

జబర్దస్త్ కామెడీ షోలో ప్రేక్షకులను తనదైన పంచ్ లతో కడుపుబ్బా నవ్వించే వ్యక్తి హైపర్ ఆది. అతడిపై ఈ మధ్య సోషల్ మీడియాలో విపరీతంగా వార్తలు వస్తున్నాయి. ఇటీవల మా అధ్యక్ష ఎన్నికలో మంచు విష్ణు వాడిన పదాలను ఇలా ఆది తన స్కిట్ లో వాడుకున్నాడు.

ఈ మధ్య దీపావళి ఈవెంట్లో అతడు మంచు విష్ణు మాట్లాడిన మాటలను పరోక్షంగా ఇమిటేట్ చేశాడు. విష్ణు వాడిన డైలాగులని పలకడంతో అవి వైరల్ అయ్యాయి. ఆది స్కిట్ వల్ల మంచు విష్ణు, అతని సన్నిహితులు కూడా హర్ట్ అయ్యారని తెలుస్తోంది.

అతడి అభిమానులు చాలా కోపంగా ఉన్నారని.. అందుకు ఆది కొన్ని రోజుల వరకు బయట తిరగడం లేదని.. షూటింగ్ లకు కూడా వెళ్లడం లేదని వార్తలు వచ్చాయి. వాటితో పాటు తాజాగా అతడిని కొట్టారనే వార్తలు కూడా సోషల్ మీడియాలో వస్తున్నాయి. ఆ స్కిట్ చేయడానికి కారణం నాగబాబు అని.. ఆ స్కిట్ వెనుకాల హస్తం మొత్తం మెగా నాగాబాబుదే అనే అనుమానంతో అతడి అభిమానులు ఆదిని క్షమాపణలు చెప్పాలని కోరారట.

అతడు దానికి నిరాకరించినట్లు తెలుస్తోంది. దీంతో ఆగ్రహానికి గురైన అతడి అభిమానులు.. సెట్ పైకి వెళ్లి అతడిపై చెయ్యి చేసుకోవడంతో పాటు.. అక్కడ ఉన్న సామాగ్రిని అంతా ధ్వంసం చేసినట్లు వార్తలు వస్తున్నాయి. అయితే ఆది పంచులు కొన్ని సందర్భాల్లో కాంట్రవార్సీలుగా మారడం ఇది కొత్తేమి కాదు.. అంతకు ముందు కూడా ఇలాంటివి ఎన్నో జరిగాయి. వాటిపై అతడు క్షమాపణలు కూడా చెప్పాడు.