చిరు భోళాశంకర్ సినిమాలో మిల్క్ బ్యూటీ ఫిక్స్.. అధికారిక ప్రకటన చేసిన చిత్ర బృందం..!

మెగాస్టార్ ప్రస్తుతం వరుస సినిమాలతో ఎంతో బిజీగా ఉన్నారు. ఆచార్య సినిమా షూటింగ్ పూర్తి చేసుకున్న చిరు ప్రస్తుతం గాడ్ ఫాదర్ చిత్రంతో బిజీగా ఉన్నారు. ఈ క్రమంలోనే మెగాస్టార్ మెహర్ రమేష్ దర్శకత్వంలో వేదాళం సినిమా రీమేక్ చిత్రమైన భోళాశంకర్ సినిమాలో నటిస్తున్న సంగతి మనకు తెలిసిందే. ఇందులో చిరంజీవి తో పాటు కీర్తి సురేష్ చిరు చెల్లెలుగా నటిస్తోంది.

అన్నాచెల్లెళ్ల మధ్య సాగే అనుబంధంగా ఈ సినిమా తెరకెక్కుతోందని తెలుస్తోంది. ఇప్పటికే ఈ సినిమా నుంచి విడుదలైన పోస్టర్ లో సినిమాపై భారీ అంచనాలు పెంచాయి. ఇకపోతే ఈ సినిమాకు సంబంధించిన సమాచారం ప్రస్తుతం సోషల్ మీడియాలో వైరల్ గా మారింది. ఈ సినిమాలో మెగాస్టార్ సరసన నటించే అవకాశాన్ని మిల్క్ బ్యూటీ తమన్నా కొట్టేసినట్టు తెలుస్తోంది.

ఈ సినిమాలో మెగాస్టార్ చిరంజీవి సరసన తమన్నా నటిస్తుందని పెద్ద ఎత్తున వార్తలు వచ్చాయి. ఈ సినిమాలో తమన్నా నటించడం కోసం భారీ మొత్తంలో రెమ్యూనరేషన్ డిమాండ్ చేస్తున్నట్లు వార్తలు వచ్చినప్పటికీ ఈ విషయం గురించి తాజాగా చిత్ర బృందం అధికారిక ప్రకటన చేశారు. ఈ క్రమంలోనే చిరంజీవి భోళా శంకర్ సినిమాలో నటించే అవకాశాన్ని తమన్నా దక్కించుకున్నారు.

ఇదివరకే మెగాస్టార్ చిరంజీవి నటించిన సైరా నరసింహారెడ్డి చిత్రంలో చిరంజీవి సరసన నయనతారతో పాటు తమన్నా కూడా నటించారు. ఇక ఈ సినిమా నవంబర్ 11వ తేదీ ప్రారంభం కావడంతో నవంబర్ 15 నుంచి రెగ్యులర్ షూటింగ్ జరుపుకోనున్నట్లు తెలుస్తోంది.