Vijay Devarakonda: రౌడీ హీరో విజయ్ దేవరకొండకు ఎలాంటి క్రేజ్ ఉందో చెప్పాల్సిన పనిలేదు. ఈయన ఇప్పటివరకు తెలుగులో ఎన్నో అద్భుతమైన సినిమాలలో నటించి మంచి ఆదరణ పొందారు. అయితే మొదటిసారిగా పూరి జగన్నాథ్ దర్శకత్వంలో తెరకెక్కిన లైగర్ సినిమా పాన్ ఇండియా స్థాయిలో విడుదల కాబోతోంది. ఇక ఈ సినిమా వచ్చే నెల 25వ తేదీ ప్రేక్షకుల ముందుకు రాబోతుంది.
ఈ సినిమా విడుదల కాకుండానే విజయ్ దేవరకొండకు బాలీవుడ్ ఇండస్ట్రీలో కూడా విపరీతమైన ఫ్యాన్ ఫాలోయింగ్ ఏర్పడింది. ఎంతగా అంటే ఏకంగా బాలీవుడ్ స్టార్ హీరోయిన్లు సైతం తనతో డేటింగ్ కు వెళ్లాలి అనేలా ఈయనకు క్రేజ్ ఏర్పడిందని చెప్పాలి. లైగర్ సినిమా ఆగస్ట్ 25వ తేదీ విడుదల కావడంతో ఈ సినిమా ప్రమోషన్ కార్యక్రమాలలో భాగంగా విజయ్ అనన్య పాండే ఇద్దరు కాఫీ విత్ కరణ్ టాక్ షోలో పాల్గొన్నారు.
ఈ కార్యక్రమంలో భాగంగా విజయ్ దేవరకొండ ఎన్నో ఆసక్తికరమైన విషయాలను తెలియజేశారు. ఇకపోతే ఈయన ప్రేమ పెళ్లి గురించి కూడా ఈ సందర్భంగా చేసిన కామెంట్స్ ప్రస్తుతం వైరల్ అవుతున్నాయి. తాను పెళ్లి పిల్లల గురించి ఇప్పుడే మాట్లాడదల్చుకోలేదని ఆ సమయం వచ్చినప్పుడు తానే గట్టిగా సమాధానం చెబుతానని వెల్లడించారు.
ఇంట్లో నా పోస్టర్స్ పెట్టుకున్నారు…
ప్రస్తుతం ఎంతోమంది అభిమానులు తనని ప్రేమిస్తున్నారని గౌరవిస్తున్నారని ఆ గౌరవంతోనే తన ఫోటోలను తమ ఫోన్ స్క్రీన్ పై పెట్టుకోవడం, ఇంట్లో పోస్టర్స్ పెట్టుకోవడం చేస్తున్నారు అంటూ విజయ్ వెల్లడించారు. ఇప్పుడు నేను ప్రేమ పెళ్లి గురించి మాట్లాడి వారిని బాధ పెట్టలేను, గుండెను ముక్కలు చేయలేను అంటూ ఈ సందర్భంగా విజయ్ దేవరకొండ ప్రేమ గురించి షాకింగ్ కామెంట్స్ చేశారు. ప్రస్తుతం ఈయన చేసిన ఈ కామెంట్స్ వైరల్ అవుతున్నాయి