Super Star Krishna: సూపర్ స్టార్ కృష్ణ ఈ నెల 31వ తేదీ తన పుట్టినరోజు కావడంతో తాజాగా ఆయన తన కూతురు మంజుల యూట్యూబ్ ఛానల్ కి ఒక ఇంటర్వ్యూ ఇచ్చారు. ఈ ఇంటర్వ్యూలో భాగంగా కృష్ణ తన సినీ కెరీర్లో తనకు ఎదురైన చేదు అనుభవాల గురించి తెలియజేశారు. కెరియర్ మొదట్లో ఎన్నో ఇబ్బందులు పడినప్పటికీ హీరోగా కృష్ణ నిలదొక్కుకొని ఎన్నో వైవిధ్యమైన చిత్రాలను ఎంపిక చేసుకొని ప్రేక్షకులకు అందించిన ఘనత కృష్ణ గారిదని చెప్పాలి.
కృష్ణ అప్పట్లో కౌబాయ్, జేమ్స్ బ్యాండ్ తరహా కథలను ప్రేక్షకులకు అందించారు. ఇక ఈయన నటించిన సింహాసనం సినిమా బాహుబలి స్థాయిలో భారీ బడ్జెట్ తో తెరకెక్కిన బాక్సాఫీస్ వద్ద అద్భుతమైన కలెక్షన్లను రాబట్టింది.ఈ విధంగా విభిన్న కథా చిత్రాలతో ముందుకు సాగిపోతున్న కృష్ణ కెరీర్లో కూడా కోలుకోలేని దెబ్బ పడింది.
ఈయన నటించిన 12 చిత్రాలు వరుసగా ఫ్లాప్ అవ్వడంతో ఈయన కెరియర్ అయోమయ స్థితిలో పడింది. ఆ సమయంలో ఎంతో మంది దర్శక నిర్మాతలు కృష్ణ హీరోగా పనికిరారు ఆయన సినీ కెరీర్ ముగిసింది అంటూ చెప్పుకొచ్చారు. ఈ క్రమంలోనే ఆయనకు ఎలాంటి అవకాశాలు కూడా రాలేదు.
ఇండస్ట్రీలో తిరిగి లైఫ్ ఇచ్చిన సినిమా అది…
ఆ సమయంలో కృష్ణ సోదరుడు ఆదిశేషగిరిరావును నిర్మాతగా పరిచయం చేస్తూ సొంత బ్యానర్‌లో పాడి పంటలు అనే సినిమా చేశారు.ఈ సినిమా సూపర్ హిట్ కావడంతో ఆయన తిరిగి ఇండస్ట్రీలో నిలదొక్కుకున్నారని ఈ సందర్భంగా తన జీవితంలో ఎదురైన చేదు సంఘటనలు గురించి ఈ సందర్భంగా కృష్ణ వెల్లడించారు.