New Year Plan: 2021 సంవత్సరం సమంత కెరీర్ లో బాగానే ఉన్నప్పటికీ వ్యక్తిగతంగా మాత్రం బ్యాడ్ అనే చెప్పాలి. ఎందుకుంటే ఆమె నాగ చైతన్యతో విడాకుల ప్రకటన చేసింది కాబట్టి. అది మినహా మిగతా అన్ని విషయాల్లో ఆమెకు బాగానే కలిసి వచ్చింది.
2021లో సమంత మొదటి వెబ్ సిరీస్, ది ఫ్యామిలీ మ్యాన్ సీజన్ 2 తో ఆమె బాలీవుడ్ అరంగేట్రం కూడా చేసేసింది. అంతే కాదు.. ఆమె కెరీర్ లో ఎప్పుడు ఐటెం సాంగ్ చేయని సమంత.. పుష్ప సినిమాలో ఊపేసింది. ఇంకాస్త ఎక్కువగా అభిమానులను సాధించుకుంది.
ఇక ఆమె 2022 సంవత్సరాన్ని సాదరంగా స్వాగతించడానికి ఉత్సాహంగా ఉన్నారు. ఇప్పటికే గోవా ట్రిప్ కు సంబంధించి కొన్ని ఫొటోలు సోషల్ మీడియాలో వైరల్ గా మారాయి. ఆమె అక్కడే ఓ మీడియాతో మాట్లాడుతూ.. హిందీలో నటించేందుకు సిద్ధమయ్యారా అని అడగ్గా.. ఎంట్రీకి సరైన సమయం అవసరమని పేర్కొంది. వెబ్ సిరీస్ ల కారణంగా లేటయిందని.. సరైన సమయంలో ఎంట్రీ ఇస్తానంది.
వాళ్లతో సమయం కేటాయిస్తా.. సమంత..
2022లో కూడా.. నా వెన్నంటి ఉన్న స్నేహితులతో.. తన తల్లితో ఎక్కువగా సమయం కేటాయిస్తాని చెప్పారు. తన రాబోయే చిత్రాల గురించి మాట్లాడుతూ.. సమంత ఇప్పటికే శాకుంతలం సినిమాలో లీడ్ రోల్ పోషిస్తున్న విషయం తెలిసిందే. ఇటీవల ఈ సినిమా షూటింగ్‌ పూర్తియినట్లు .. పోస్ట్ ప్రొడక్షన్ పనులలో ఉన్నాయని పేర్కొన్నారు. త్వరలో విడుదల తేదీని మేకర్స్ ప్రకటించే అవకాశం ఉందన్నారు. ఫిలిప్ జాన్ దర్శకత్వం వహించిన ‘‘అరేంజ్‌మెంట్స్ ఆఫ్ లవ్‌’’లో కూడా సమంత కనిపించనుంది.