Ycp Leader Perni Nani : ఏపీ రాజకీయాల్లో టీడీపీ మీద ఎంత ఎత్తున వైసీపీ నేతలు లేస్తారో తెలియదు కానీ జనసేన అధినేత పవన్ కళ్యాణ్ మీద మాత్రం వైసీపీ నేతల విసుర్లు బాగా ఉంటాయి. ఇంకా పవన్ కళ్యాణ్ ప్రెస్ మీట్ పెట్టినా లేక బహిరంగ సభ పెట్టినా ఆయన మాట్లాడిన విషయాలకు కౌంటర్ ఇవ్వడానికి వైసీపీ లో కొంతంది లీడర్స్ రెడీగా ఉంటారు. అందులో ముందుండేది పేర్ని నాని. వైసీపీ ప్రభుత్వంలో మంత్రిగా పనిచేసిన పేర్ని నాని జనసేన అధినేత మీద బాగా ఫైర్ అవుతుంటారు. పవన్ కళ్యాణ్ మీద ఒక్క ఛాన్స్ కూడా వదలకుండా అలా విమర్శలు చేయడమే పని అన్నట్లు చేసే పేర్ని నాని గారు జనసేన పార్టీ మీద ఆసక్తికర విమర్శలను చేసారు.

పవన్ కళ్యణ్ ది పేద పార్టీనా…

సాధారణంగా అధికార పక్షంలో ఉండే ఏ పార్టీ అయిna బాగానే డబ్బు పోగుచేసుకుని ఎన్నికల సమయానికి సిద్ధమవుతుంది. అయితే అధికార పక్షంతో చూస్తే ప్రతిపక్షంతో నిధులు తక్కువగా ఉంటాయి. అయితే వైసీపీ లీడర్స్ మాత్రం జనసేన కాన్వాయ్ కార్లు, వారాహి వాహనాం కొనడానికి అతనికి అన్ని డబ్బులు ఎలా వచ్చాయి.

ఇతర పార్టీలనుండి ప్యాకేజీలందుకుంటున్నాడు అంటూ విమర్శలు చేస్తున్నారు. ఇదే విషయం గురించి వైసీపీ నేత పేర్ని నాని మాట్లాడుతూ ఒక సినిమా చేస్తే 50 కోట్లు తీసుకుంటాను అని చెప్పే పవన్ ఆరు సినిమాలను చేస్తే 300 కోట్లు వస్తాయి అలాంటపుడు అతనిది పేద పార్టీ ఎలా అవుతుంది. అంత ఖర్చు పెట్టి తన వెనుక తిరిగే వారికోసం కాన్వాయ్ వాహనాలను కొనగలడా, వారాహి అంటూ ఒక స్పెషల్ వాహనం తెచ్చుకోగలడా అంటూ ప్రశ్నించారు.