ఢిల్లీ, ఎన్సీఆర్లో వీధి కుక్కల తొలగింపు వివాదం దేశవ్యాప్తంగా చర్చనీయాంశంగా మారిన వేళ, ఉత్తరప్రదేశ్ బదౌన్ జిల్లాలో ఒక విషాదకర ఘటన చోటుచేసుకుంది. ఒక వీధి కుక్క నాకడంతో కేవలం రెండేళ్ల బాలుడు రేబిస్ బారినపడి మృతి చెందాడు. ఈ సంఘటన స్థానికులను మాత్రమే కాదు, వైద్యులను కూడా షాక్కు గురి చేసింది. రేబిస్ వ్యాప్తికి కేవలం కుక్క కాటు మాత్రమే కాకుండా, నాకడం కూడా ఒక కారణం కావచ్చని ఈ ఘటన మరోసారి నిరూపించింది.
బదౌన్ జిల్లాలోని సహస్వాన్ ప్రాంతానికి చెందిన రెండేళ్ల మొహమ్మద్ అద్నాన్ కాలు మీద నెల రోజుల క్రితం ఒక చిన్న గాయమైంది. ఆ గాయాన్ని ఒక వీధి కుక్క నాకింది. ఆ తర్వాత కొద్ది రోజులకు, బాలుడిలో రోగ లక్షణాలు బయటపడ్డాయి. మొదట నీళ్లు తాగడానికి భయపడటం, అనగా హైడ్రోఫోబియా లక్షణాలు కనిపించడంతో కుటుంబ సభ్యులు ఆందోళన చెందారు. పరిస్థితి విషమించడంతో బాలుడిని కమ్యూనిటీ హెల్త్ సెంటర్కు తరలించగా, చికిత్స పొందుతూ ఆగస్టు 18న చిన్నారి ప్రాణాలు కోల్పోయాడు.
ఈ సంఘటన అనంతరం, సహస్వాన్ ప్రాంతంలో భయాందోళనలు నెలకొన్నాయి. జాగ్రత్త చర్యగా దాదాపు 30 మంది స్థానికులు ముందుగానే యాంటీ రేబిస్ టీకా తీసుకున్నారు. ఈ ఘటనపై బదౌన్ జిల్లా ఆసుపత్రి మెడికల్ సూపరింటెండెంట్ డాక్టర్ ప్రశాంత్ త్యాగి మాట్లాడుతూ, “కుక్క కాటు మాత్రమే కాదు, కుక్క నాకడం కూడా ప్రమాదకరం. దానిని ఎప్పుడూ తేలికగా తీసుకోరాదు. కుక్కలు మాత్రమే కాదు, పిల్లి, కోతి వంటి జంతువుల కాటు లేదా నాకడం జరిగినా వెంటనే రేబిస్ టీకా తీసుకోవాలి” అని హెచ్చరించారు.
వీధి కుక్కల సమస్యపై సుప్రీంకోర్టు తీర్పు దేశవ్యాప్తంగా చర్చనీయాంశంగా మారిన ఈ సమయంలో, బదౌన్ ఘటన మరింత ఆందోళనకు దారితీస్తోంది. ఈ విషాదకరమైన సంఘటన వీధి జంతువుల వల్ల కలిగే ప్రమాదాల గురించి ప్రజలను మరింత అప్రమత్తం చేయాల్సిన అవసరాన్ని నొక్కి చెబుతోంది.
ఆరోగ్యంపై దృష్టి పెడుతున్న ఈ రోజుల్లో, ఆహారంలో చిన్న మార్పులే పెద్ద ప్రయోజనాలు అందిస్తాయని నిపుణులు చెబుతున్నారు. అలాంటి ఆరోగ్యకరమైన…
ఇప్పటి వేగవంతమైన జీవనశైలిలో ఫాస్ట్ ఫుడ్, జంక్ ఫుడ్ వినియోగం గణనీయంగా పెరిగింది. సాయంత్రం అయ్యాక సమోసా, పానీపూరీ, బర్గర్,…
ప్రస్తుతం మారుతున్న జీవనశైలిలో ఉద్యోగ సమయాలు కూడా పెద్దగా మారిపోయాయి. ఐటీ, హెల్త్కేర్, సర్వీస్ రంగాల్లో పని చేసే చాలా…
మన శరీరంలో కిడ్నీలు అత్యంత ముఖ్యమైన అవయవాలు. ఇవి రక్తంలో ఉన్న వ్యర్థాలను తొలగించడమే కాకుండా, శరీరంలో ద్రవాల సమతుల్యతను…
వయస్సు పెరుగుతున్న కొద్దీ శరీరంలో కొన్ని మార్పులు సహజమే. అయితే ఇటీవల చాలా మందిలో కనిపిస్తున్న ఒక సమస్య నిపుణులను…
మన రోజువారీ వంటకాలలో నూనెకు ప్రత్యేక స్థానం ఉంది. ఉదయం అల్పాహారం నుంచి రాత్రి భోజనం వరకు దాదాపు ప్రతి…