Aadi reddy : అతిపెద్ద రియాలిటీ షో బిగ్ బాస్ అన్ని భాషల్లోనూ ఫేమస్. హిందీలో ఎప్పుడో మొదలయినా బిగ్ బాస్ తెలుగులో విజయవంతంగా ఐదు సీజన్లను పూర్తి చేసుకుని ఆరో సీజన్ లోకి అడుగు పెట్టింది. ఇక ఆరో సీజన్ మొదలై అపుడే మొదటి వారం పూర్తవుతోంది. ఇక అపుడే ఎలిమినేషన్ నామినేషన్లు అంటూ హీట్ పెరిగిపోయింది. ఇక ఈ సీజన్ కంటెస్టెంట్స్ లో ఆది రెడ్డి కంటెస్టెంట్స్ లో స్ట్రాంగ్ గా కనిపిస్తున్నాడు. బిగ్ బాస్ రివ్యూలు చెప్పిన అనుభవం ఆదిరెడ్డి కి కలిసిచ్చింది.

ఆదిరెడ్డి బ్యాక్ గ్రౌండ్…

నెల్లూరు కి చెందిన ఆదిరెడ్డి, కావలి లో జన్మించాడు. నెల్లూరు లో చదువుకుని ఆ పైన ఇంజనీర్ గా చిన్న కంపెనీలో ఉద్యోగం చేస్తూ ఉండగా మొదట యూట్యూబ్ ఛానెల్ ను 2018 లో పెట్టి సినిమా రివ్యూలను చెబుతూ ఉండేవాడు. ఆ తరువాత క్రికెట్ రివ్యూలు చెబూతు బాగా ఫేమస్ అయిన ఆది రెడ్డి వన్ మిలియన్ సబ్స్క్రయిబర్స్ ని సంపాదించాడు. ఇక తెలుగు బిగ్ బాస్ రివ్యూలు చెప్పడం ఆతని జీవితాన్ని మార్చేసింది. ఆదిరెడ్డి బిగ్ బాస్ రివ్యూలకు బాగా ఫ్యాన్ ఫాలోయింగ్ ఉంది.

ఇక 2020 లో పెళ్లి చేసుకున్న ఆదిరెడ్డి బిగ్ బాస్ ద్వారా వచ్చిన ఫేమ్ తో ఇంస్టాగ్రామ్ లో కుడా మంచి ఫాలోయింగ్ అలాగే సేవా కార్యక్రమాల ద్వారా సెలబ్రిటీల నుండి కూడా ప్రశంసలు పొంది మరింత పాపులర్ అయ్యాడు. ఇక ఈ సీజన్ బిగ్ బాస్ లో కామన్ వ్యక్తి కోటాలో కంటెస్టెంట్ గా వచ్చిన ఆది రెడ్డి అటు టాస్కులలో యాక్టీవ్ గా ఉంటూ ఇటు ఇంటి సభ్యులతో కూడా బాగా ఆడుతున్నాడు గేమ్. మొత్తానికి బిగ్ బాస్ పై రివ్యూ చెప్పే ఆదిరెడ్డి బిగ్ బాస్ నిజంగా ఎలా ఆడతాడో చూడాలి.