Actor Ajay : హీరో కి ఫ్రెండ్ క్యారెక్టర్స్ అలానే విలన్ రోల్స్ లో గుర్తుండిపోయే నటనతో అందరినీ ఆకట్టుకున్న నటుడు అజయ్. విజయవాడకు చెందిన అజయ్ చదివింది హైదరాబాద్. ఇక యాక్టింగ్ మీద ఇంట్రస్ట్ తో సినిమాల్లోకి అడుగుపెట్టిన అజయ్ నెగెటివ్ షేడ్స్ లో ఎక్కువగా కనిపిస్తూనే మరోవైపు సహాయ నటుడిగా కూడా చాలా సినిమాల్లో నటించారు. ఇక ఆయన వ్యక్తిగత జీవితం సినిమాల్లో నటించేటపుడు పడే ఇబ్బందులను గూర్చి ఇటీవల ఇంటర్వ్యూలో పంచుకున్నారు.
పెళ్లి.. భార్య గురించి…
అజయ్ ఇంకా సినిమా ఇండస్ట్రీలో సెటిల్ అవ్వకముందే తన భార్యను ప్రేమించాడట. ఖుషి సినిమాలో నటించే సమయంలోనే తనతో పరిచయం ఉందని నాది లవ్ మ్యారేజ్ అంటూ చెప్పారు. ఇక ఆమె బెస్ట్ క్రిటిక్ అంటూ చెప్పారు. ఏ క్యారెక్టర్ అయినా సినిమా చూసాక మొహమాటం లేకుండా ఎలా ఉందో చెప్పేస్తుంది, అది నాకు బాగా హెల్ప్ అవుతుంది అంటూ చెప్పారు. ఇక విలన్ రోల్స్ లాంటివి చేసినా తాను నన్ను మొదట్లో ఎటువంటి ఇమేజ్ లేనపుడు పెళ్లి చేసుకోవడం వల్ల సినిమా ప్రభావం నా భార్య మీద లేదు అంటూ చెప్పారు.
రేప్ సీన్ లో డోంట్ టచ్ మీ అంది…
ఇక సినిమాల్లో తన అనుభవాల గురించి మాట్లాడుతూ ఒకసారి ఒక సినిమా షూటింగ్ లో రేప్ సీన్ అని ముందే చెప్పలేదు. వెళ్ళాక అమ్మాయిని చూపించి నువ్వు ఆ అమ్మాయిని రేప్ చేయాలి అని చెప్పారు. ఇక అమ్మాయికి అసలు రేప్ సీన్ అనే చెప్పలేదట. నాకు ఆల్రెడీ ఇబ్బందిగా ఉంటే ఆ అమ్మాయి డోంట్ టచ్ మీ అనేసరికి డైరెక్టర్ వైపు చూసాను. ఆయన మాత్రం రేప్ చేయి అన్నారు. ఆ తరువాత నాకు చాలా ఇబ్బందిగా అనిపించింది ఇక పై అలాంటి సీన్స్ చేయకూడదని అంటూ చెప్పారు అజయ్.