టాలీవుడ్ మోస్ట్ బ్యూటిఫుల్ కపుల్ గా పేరు సంపాదించుకున్న అక్కినేని నాగచైతన్య సమంత జంటగా గురించి ప్రత్యేకంగా చెప్పాల్సిన పనిలేదు. ఎంతో చూడముచ్చటగా ఉన్న ఈ జంట ఒక్కసారిగా విడాకుల ప్రకటన చేయడంతో వీరి వ్యవహారం జాతీయ స్థాయిలో హాట్ టాపిక్ గా మారింది. ఇక సమంతకు విడాకులు రావడానికి ఆమె వ్యవహార శైలి కారణం అంటూ చాలామంది తన గురించి దారుణంగా కామెంట్లు చేశారు.
ఇక విడాకుల తరువాత సమంత మొట్టమొదటిసారిగా ఓ మీడియా సమావేశంలో మాట్లాడుతూ ఎన్నో విషయాలను తెలుపుతూ ఎమోషనల్ అయ్యారు.ఈ సందర్భంగా సమంత మాట్లాడుతూ విడాకుల తర్వాత నా గురించి ఎన్నో రకాల కామెంట్లు వచ్చాయి అయితే వాటన్నింటిని ఎదుర్కొని నేను ఇంత ధైర్యంగా నిలబడతానని ఎప్పుడూ భావించలేదు.
విడాకుల తర్వాత చనిపోవాలని అనుకున్నాను.. కానీ సమస్యలను ఎదుర్కొంటూ ఎంతో బలంగా దృఢంగా ఉన్నానని ఈమె తెలిపారు. ఇక ఈ ఏడాది తన వ్యక్తిగత కారణాల వల్ల తనకు ఎంతో క్లిష్టంగా గడిచిందని చెప్పిన సమంత ఎంతో కష్టపడి నిర్మించుకున్న నా కలలన్నీ ఈ ఏడాది శిథిలమైపోయాయని, ఆ సమయంలో నేనెంతో క్రుంగి పోయానని ఎమోషనల్ అయ్యారు.
సోషల్ మీడియా ఎంతో మంది అభిమానులను సెలబ్రిటీలకు దగ్గర చేస్తుంది అయితే వారికి నచ్చని విషయాల గురించి వారి అభిప్రాయాలను వెల్లడించడానికి ఒక పద్ధతి ఉంటుంది. ఈ ఏడాది నేను కలలు కన్నా కలలన్నీ శిథిలమై పోయాయి కనుక వచ్చే ఏడాది పై ఎలాంటి ఆశలు పెట్టుకోలేదని కాలం ఎలా ముందుకు తీసుకు వెళ్తే అలా వెళ్లడానికి సిద్ధంగా ఉన్నానని తెలిపారు.