నటుడు రామ్ నటించిన రెడీ సినిమాకు పోటీగా వచ్చిన సినిమాలు ఇవే !

ప్రముఖ నటుడు రామ్, హీరోయిన్ జెనీలియా జంటగా శ్రీను వైట్ల దర్శకత్వంలో వచ్చిన సినిమా రెడీ. ఈ చిత్రంలో హీరో రామ్ ఎనర్జీ లెవల్స్ మామూలుగా ఉండవు. నటి జెనీలియాను ప్రేమించిన రామ్, ఆమెను పెళ్లి చేసుకునేందుకు ఆమె కుటుంబసభ్యులతో ఆడిన నాటకాలు, ముఖ్యంగా బ్రహ్మానందంను ఈ చిత్రంలో బాగా వాడుకున్నారనే చెప్పాలి. ఢీ, వెంకీ, దుబాయ్ శీను లాంటి సినిమాల్లో ఎలాంటి క్యారెక్టర్‌ చేశారో, అలాగే ఈ చిత్రంలోనూ ఓ పవర్‌ఫుల్ రోల్‌ని ఆయన ప్రదర్శించారు.

ఇకపోతే ఈ సినిమా ఆధ్యంతం కామెడీని అందిస్తూ, ప్రేక్షకులను కడుపబ్బా నవ్వించింది. అంతే కాకుండా బాక్సాఫీస్ వద్ద అదిరిపోయే కలెక్షన్లను కూడా రాబట్టింది. సుమారు 17 కోట్ల వరకు కలెక్షన్లు కొల్లగొట్టిన ఈ సినిమా, బ్లాక్‌బస్టర్‌గా నిలిచింది. దీనికి తోడు దేవిశ్రీ ప్రసాద్ అందించిన పాటల బాణీ అందరినీ ఎంతగానో ఆకట్టుకుంది. జూన్ 19, 2008న రిలీజైన ఈ మూవీకి రెండు వారాల గ్యాప్‌తో వచ్చిన సినిమా విశేషాలేంటో ఇప్పుడు తెలుసుకుందాం.

రెడీ సినిమాకు 13రోజుల ముందు అలీ హీరోగా నటించిన సోంబేరీ అనే సినిమా విడుదలైంది. కానీ కథాబలం అంతగా ఆకట్టుకోకపోవడం వల్ల ఈ చిత్రం బాక్సాఫీస్ వద్ద పరాజయాన్ని ఎదుర్కొంది. దీని తర్వాత జూన్ 13న రెడీ సినిమాకు 6 రోజుల ముందుగా విశ్వనటుడు కమల్ హాసన్ తీసిన దశావతారం రిలీజైంది. భారీ యాక్షన్ డ్రామాతో తెరకెక్కిన ఈ చిత్రం మొదట విమర్శలు ఎదుర్కొన్నప్పటికీ ఆ తర్వాత అందరిచేత మంచి పేరు తెచ్చుకుంది.

ఆ తర్వాత హీరో రాజశేఖర్ నటించిన గోరింటారు. చెల్లెలి సెంటిమెంట్‌కు పెద్దపీట వేస్తూ తీసిన ఈ సినిమాలో అన్నపై అంతులేని అభిమానమున్న చెల్లెలిగా హీరోయిన్ మీరా జాస్మిన్, అలాగే వారిని విడదీయాలని చూసే క్యారెక్టర్‌లో ఆర్తి అగర్వాల్ నటించారు. కుటుంబ కథాచిత్రంగా వచ్చిన ఈ మూవీ బాక్సాఫీస్ వద్ద మంచి విజయాన్నే అందుకుంది. ఇలా మొత్తంగా రెడీ సినిమాతో రామ్ నంబర్ 1 పొజిషన్‌లో ఉండగా, ఆ తర్వాత గోరింటాకు’తో రాజశేఖర్, కమల్ హాసన్ దశావతారంతో విజయం సాధించారు.