టాలీవుడ్ ఇండస్ట్రీలో ఏదైనా సంచలనమైన వార్త ఉందంటే ప్రస్తుతం సమంత నాగచైతన్య విడాకులు విషయం అని చెప్పవచ్చు. సమంత నాగచైతన్యలు విడాకులు తీసుకోబోతున్నట్లు అధికారికంగా వెల్లడించిన తర్వాత వీరి విడాకుల విషయమై పలువురు సెలబ్రెటీలు తమదైన శైలిలో స్పందిస్తూ కామెంట్లు, ట్వీట్స్ చేశారు.
ఈ క్రమంలోనే సమంత స్నేహితురాలు సింగర్ చిన్మయి సమంత విడాకుల తరువాత చేసిన పోస్ట్ ప్రస్తుతం సంచలనంగా మారింది.చైతన్య సమంత విడిపోతున్నామని చెప్పడానికి కొన్ని గంటల ముందు ఇంస్టాగ్రామ్ వేదికగా చిన్మయి చేసిన పోస్ట్ ప్రస్తుతం చర్చనీయాంశంగా మారింది.
ఈ క్రమంలోనే ఈమె స్పందిస్తూ… పెళ్లి చేసుకోవాలంటే ఇద్దరు వ్యక్తుల మధ్య ప్రేమ ఒక్కటే ఉంటే సరిపోదు.. మీ ఇష్టాయిష్టాలు, అభిప్రాయాలు, లాభనష్టాలు, మతాలు, పిల్లలు వంటి విషయాల గురించి ముందుగా వారితో చర్చించి పెళ్లి చేసుకోవాలి.ఎందుకంటే ఇద్దరు వ్యక్తులు పెళ్లి చేసుకోవడానికి కేవలం వారి మధ్య ప్రేమ ఒక్కటే ఉంటే సరిపోదని ఈ సందర్భంగా ఈమె చేసిన పోస్ట్ ప్రస్తుతం సంచలనంగా మారింది.
ఇకపోతే విడాకుల అనంతరం సమంత మరోసారి సోషల్ మీడియా ఖాతాలలో తన పేరును మార్చుకున్న సంగతి మనకు తెలిసిందే. విడాకులకు ముందు అక్కినేని తొలగించి సింగిల్ లెటర్ ఎస్ అని పెట్టుకున్న సమంత విడాకులు తీసుకున్న తర్వాత తన సోషల్ మీడియా ఖాతాలో సమంత అని పేరు మార్చుకున్నారు. అయితే ఫేస్ బుక్ ఖాతాలో మాత్రం ఇప్పటి వరకు సమంత అక్కినేని అని ఉండటం గమనార్హం.