Analyst Damu Balaji : ఎవరే అతగాడు సినిమాతో తెలుగులోకి పరిచయమైన కేరళ కుట్టి ప్రియమణి. అసలు పేరు ప్రియా వాసుదేవ అయ్యంగార్ మణి. స్క్రీన్ నేమ్ ప్రియమణి గా పెట్టుకున్న ఈ పాలక్కడ్ బ్యూటీ తన మొదటి సినిమతో అంతగా ప్రేక్షకులకు చేరువ కాలేకపోయినా ఆ తరువాత తమిళ సినిమాలతో మంచి పేరు తెచ్చుకుంది. ఇక తెలుగులో పెళ్ళైన కొత్తలో, యామదొంగ సినిమాలతో మంచి ఇమేజ్ తెచ్చుకున్న ప్రియమణి గ్లామర్ పాత్రలను చేసి అలరించింది. ఇక పెళ్ళైయ్యాక కొద్ది రోజులు సినిమాలకు దూరమైన ప్రియమణి ఫ్యామిలీ మ్యాన్ వెబ్ సిరీస్ తో మంచి పేరు తెచ్చుకుంది. అయితే తాజాగా ఆమె పై వస్తున్న ట్రోల్స్ గురించి ప్రియమణి స్పదించగా ఆ ఇష్యూ గురించి అనలిస్ట్ దాము బాలాజీ మాట్లాడారు.

ముస్లింను పెళ్లి చేసుకోవడం నా తప్పు…

ప్రియమణి ఇటీవల ఒక ఇంటర్వ్యూలో మాట్లాడుతూ తన స్కిన్ కలర్ గురించి చాలా ట్రోల్ చేసేవారని తెలిపారు. అలాగే తాను ముస్లింను పెళ్లి చేసుకోవడం కూడా తప్పే అన్నట్లు చాలా మంది నన్ను ట్రోల్ చేసారంటూ ప్రియమణి మాట్లాడారంటూ బాలాజీ తెలిపారు. నిజానికి ప్రియమణి ముస్తాఫా ను ప్రేమించి పెళ్లి చేసుకున్నారు. వాళ్ళింట్లో కూడా మొదట అభ్యంతరం చెప్పినా ప్రియమణి వారిని ఒప్పించింది అంటూ బాలాజీ తెలిపారు.

అయితే ఒక ముస్లిమ్ వ్యక్తిని ఇక హిందు అదికూడా బ్రాహ్మణ యువతి పెళ్లి చేసుకోవడం పట్ల వ్యతిరేకత ఉంది అంటూ చెప్పారు. అందువల్లే ప్రియమణి ని కూడా టార్గెట్ చేసి ట్రోల్ చేసారని బాలాజీ తెలిపారు. ఆమె ఒకానొక సందర్భములో ఎందుకు ఒక ముస్లింను పెళ్లి చేసుకొన్నానా అని బాధపడేంతలా ఆమెను బాధపెట్టారని, ఇంటర్వ్యూలో ఈ విషయాలను ప్రియమణి పంచుకున్నట్లు బాలాజీ తెలిపారు.