Analyst Damu Balaji : వైసీపీ వాళ్ళు నన్ను చంపేస్తారు… కడప ఎస్పీతో దస్తగిరి…: అనలిస్ట్ దాము బాలాజీ

Analyst Damu Balaji : వివేకానంద రెడ్డి మరణించి నాలుగేళ్లు కావొస్తున్నా చంపింది ఎవరనే విషయాలు స్పష్టంగా ఇప్పటికీ తెలియరాలేదు. ఏపీ సీఎంకి సొంత బాబాయ్ అయినా ఎవరు చంపారో ఇప్పటికీ తెలియక పోవడం పట్ల అటు విపక్షాల నుండి గట్టి విమర్శిలే ఎదుర్కొంటున్న జగన్, ఇంట్లోనే హంతకులున్నారనే కథనాలు వినిపిస్తున్న విమర్శకు కౌంటర్లు వేస్తున్నారే కానీ కేసులో మాత్రం పురోగతి లేదు. రోజుకో పేరు బయటికి వస్తోంది, ఎంపీ అవినాష్ రెడ్డి అరెస్టు అంటూ వార్తలు వినిపించినా అవేవి జరగలేదు. అయితే తాజాగా ఈ కేసులో అప్రూవర్ గా మారిన దస్తగిరి ని వైసీపీ టార్గెట్ చేసిందని ఆయన భార్య షబానా ఆరోపిస్తున్నారు. ఇక ఈ ఇష్యూ గురించి అనలిస్ట్ దాము బాలాజీ మాట్లాడారు.

జగన్ నన్ను చంపిస్తాడు…

వివేకానంద రెడ్డిని తానే హత్య చేసానంటూ అప్రూవర్ గా మారిన దస్తగిరి వాంగ్మూలం ప్రకారమే సిబిఐ విచారణ జరుగుతోంది. ఇప్పటికే ఈ కేసులో పలువురుని ఎంపీ అవినాష్ రెడ్డి తండ్రి భాస్కర్ రెడ్డి తో సహా అరెస్టు చేసి రిమాండ్ ఖైదీలుగా ఉంచారు. నెలలు గడుస్తున్నా విచారణ ఒక కొలిక్కి రావడం లేదు. కేసులో దస్తగిరి వల్లే వాళ్లందరూ జైలులో ఉన్నారనే పగతో మమల్ని వైసీపీ వాళ్ళు వేధిస్తున్నారు అంటూ దస్తగిరి అలాగే అతని భార్య ఆరోపిస్తున్నారు అంటూ బాలాజీ తెలిపారు.

అయితే దస్తగిరి పూటకో మాట మాట్లాడుతున్నాడని, ఎవరూ తనని ఏమి చేయలేరని, తనకు ఐదుగురు పోలీసులతో సెక్యూరిటీని కోర్ట్ ఇచ్చిందని, నేను ఎవరికీ భయపడటం లేదని చెప్తున్నాడని బాలాజీ అభిప్రాయపడ్డారు. ఒక్కోసారి ఒక్కలాగా దస్తగిరి మాట మారుస్తున్నాడు. మరోవైపు కడప ఎస్పీ వద్దకు వెళ్లి తనకు ప్రాణహాని ఉందని ఫిర్యాదు చేసాడని బాలాజీ తెలిపారు. నిజానికి వైసీపీ వాళ్ళు ఆయన జోలికి వెళ్లకపోయినా మీడియా అటెన్షన్ కోసం దస్తగిరి ఇలా చేస్తుండవచ్చు అంటూ బాలాజీ తెలిపారు.