Bairi Naresh : నాస్తికవాదిగా ఈ మధ్య కాలంలో సోషల్ మీడియా పుణ్యమా అని బాగా వైరల్ అవుతున్న వ్యక్తి బైరి నరేష్. అయ్యప్ప స్వాముల గురించి వివాదాస్పద వ్యాఖ్యలు చేసి బాగా వైరల్ అయ్యాడు. అయితే ఇప్పటికీ ఆ మాటలకు కట్టుబడి ఉంటానని కేవలం అయ్యప్ప స్వాములకు క్షమాపణలు చెబుతాను కానీ ఆ దేవుడికి కాదంటూ చెబుతారు నరేష్. దేవుడనే వాడు లేడని, మనిషికి మనిషి గౌరవం ఇచ్చుకోవలని, కులం-మతం అనేవి లేవంటూ ఆయన మాట్లాడుతారు. ఇటీవల ఒక న్యూస్ ఛానెల్ కి ఇచ్చిన ఇంటర్వ్యూలో మరోసారి అయ్యప్ప స్వామి వివాదాస్పద వాఖ్యలను బైరి నరేష్ చేసారు.
అయ్యప్ప దేవుడు లేనేలేడు…
భైరి నరేష్ అయ్యప్ప స్వామి మీద తన వ్యాఖ్యలను సమర్తించుకుంటూ నేనేమి దేవుడిని ధూషించలేదు, కేవలం ప్రశ్నించాను. హరిహర పుత్ర అని వాళ్ళు అన్నపుడు లేదు కానీ ఇద్దరు మగ వాళ్లకు ఎలా జన్మించాడు అని ప్రశ్నిస్తే కించపరిచాను, తిట్టాను అంటున్నారు. అయ్యప్ప దేవుడు అనే వాడే లేనపుడు దేవుడికి నేనేందుకు క్షమాపణ చెప్పాలి. అయినా లేని దేవుడిని నేనేందుకు టార్గెట్ చేస్తాను.
నేను దేవుడు ఉన్నాడు అనే అపోహలో ఉన్న వాళ్లను దేవుడిని చూపించమని ప్రశ్నినిస్తున్నాను అంటూ అభిప్రాయపడ్డారు భైరి నరేష్. తాను ఎవరినీ రెచ్చగొట్టే ప్రయత్నం చేయడం లేదని, తన లక్ష్యం కేవలం కుల నిర్మూలన అలాగే మతం పేరిట జరిగే అన్యాయంను అరికట్టి చదువు వైపుకు అందరూ వెళ్ళాలని పోరాడుతున్నట్లు క్లారిటీ ఇచ్చారు.