Balagam director Venu : కమెడియన్ గా సినిమాల్లో ప్రయాణం మొదలు పెట్టి నేడు తెలుగు ప్రేక్షకుల మనసు హత్తుకునేలా సినిమా తీసిన డైరెక్టర్ వేణు. కమెడియన్ వేణు నుండి డైరెక్టర్ వేణు గారు వరకు తన ప్రయాణం, తాను పడిన కష్టాలు ఇబ్బందులు త్యాగాలు అన్నింటినీ బలగం సినిమా సక్సెస్ అయ్యాక అందరి ప్రశంసలతో మర్చిపోతున్నానంటూ ఇంటర్వ్యూలలో చెప్పిన వేణు యెల్దండి తన బలగం సినిమా ప్రయాణం గురించి ఇంటర్వ్యూలో తెలిపారు. తెలుగు రాష్ట్రాల్లో సినిమాను ఎలా ఆదరిస్తున్నారు, తనకు వస్తున్న వేలాది రివ్యూల గురించి ఇంటర్వ్యూలో తెలిపారు వేణు అలాగే తన బలగం సినిమా ప్రయాణం మొదటి అడుగు నుండి ఎలా పడిందో ఇంటర్వ్యూలో వివరించారు.

అవమానించిన భరించా…

వేణు తన ఇరవై ఏళ్ల సినిమా ప్రయాణంలో ఎన్నో ఇబ్బందులను, అవమానాలను ఎదుర్కొన్నట్లు చెప్పారు. కష్టపడినా అదృష్టం కూడా కలిసి రావాలని, అది నాకు రాలేదని, అలా వచ్చుంటే ప్రభాస్ తో నటించిన మున్నా సినిమా, రామ్ పోతినేని తో జగడం, పవన్ కళ్యాణ్ తో సర్ధార్ గబ్బర్ సింగ్ సినిమాలు హిట్ అయ్యుంటే కమెడియన్ గా మంచి ప్లేసులోకి వెళ్లుండేవాడిని కానీ అలా జరుగలేదు.

బలగం లాంటి ఒక విజయం నాకు రావడానికి నాకు ఇరవై ఏళ్ళు పట్టింది అంటూ తెలిపారు. ఇక జబర్దస్త్ లో ఒక స్కిట్ వేసినపుడు జరిగిన వివాదం తనని కొట్టడం గురించి మాట్లాడుతూ ఆ నాడు ఇండస్ట్రీలో చాలా మంది నాకు సపోర్ట్ గా నిలబడ్డారు అని తెలిపారు. అలాంటివన్నీ భరించి వచ్చినందుకు దేవుడు నాకు ఇంతటి విజయాన్ని ఇచ్చాడేమో అనిపిస్తుంది అంటూ తెలిపారు.