Balakrishna: బాలకృష్ణ ఈ సంక్రాంతి కానుక వీరసింహారెడ్డి సినిమా ద్వారా ప్రేక్షకుల ముందుకు రావడానికి సిద్ధమయ్యారు. ఈ సినిమా విడుదల తేది దగ్గర పడటంతో పెద్ద ఎత్తున సినిమా ప్రమోషన్ కార్యక్రమాలను నిర్వహిస్తున్నారు. ఈ సినిమా ప్రమోషన్ కార్యక్రమాలలో భాగంగా ఒంగోలులో ప్రీ రిలీజ్ వేడుకను నిర్వహించిన విషయం మనకు తెలిసిందే.

ఇక ఒంగోలులో ఈ వేడుక కోసం బాలకృష్ణ హీరోయిన్ శృతిహాసన్ తో కలిసి ప్రత్యేకంగా హెలికాప్టర్ లో అక్కడికి వచ్చారు. ఒంగోలులో సాయంత్రం ఈ వేడుక ముగిసిన అనంతరం బాలకృష్ణ ఒంగోలులోనే ఆరోజు రాత్రికి బస చేశారు. అనంతరం మరుసటి రోజు హెలికాప్టర్లో హైదరాబాద్ తిరుగు ప్రయాణం మొదలవగా హెలికాప్టర్ టేక్ ఆఫ్ అయిన కొన్ని నిమిషాలలోనే సాంకేతిక సమస్యలు ఎదురయ్యాయి.

హెలికాప్టర్ లో తలెత్తిన ఈ సాంకేతిక సమస్యను ముందుగానే గుర్తించిన పైలెట్ హెలికాప్టర్ ను ఎమర్జెన్సీ లాండింగ్ చేశారు. ఇలా ఒంగోలులోనే హెలికాప్టర్ ల్యాండింగ్ అయిన అనంతరం హెలికాప్టర్ లో తలెత్తిన సాంకేతిక సమస్యలను పరిశీలించారు. అయితే కాస్త ఆలస్యం కావడంతో బాలకృష్ణ రోడ్డు మార్గం కుండా తిరిగి హైదరాబాద్ చేరుకున్నట్టు తెలుస్తుంది.

Balakrishna: పైలెట్ ముందు చూపుతో తప్పిన ప్రమాదం…

ఇలా పైలెట్ ముందు చూపుతోనే సాంకేతిక లోపాన్ని ముందుగా గ్రహించడంతో ఎమర్జెన్సీ లాండింగ్ చేశారు. లేకపోతే పెద్ద ప్రమాదమే జరిగేదని ఈ ప్రమాదం నుంచి బాలకృష్ణ బయటపడ్డారని అభిమానులు ఊపిరి పీల్చుకున్నారు.ఇక శృతిహాసన్ నటించిన ఈ సినిమా సంక్రాంతి పండుగ సందర్భంగా జనవరి 12వ తేదీ విడుదలకు సిద్ధమైంది.