Balakrishna: ‘అఖండ’ మూవీ సూపర్ డూపర్ హిట్ కావడంతో బాల‌కృష్ణ జోరు మీద ఉన్నాడు. దీంతో పాటు ఆహా ఓటీటీలో సూపర్ సక్సెస్ అయింది. దీంతో బాలయ్యలో ఎనర్జీ మరింతగా పెరిగింది. ప్రస్తుతం గోపీచంద్ మలినేని దర్శకత్వంలో మరో సినిమాకు కమిట్ అయ్యాడు బాలయ్య.
ఇదిలా ఉంటే ఇటీవల సంక్రాంతి సంబరాల్లో చాలా ఉత్సాహం కనిపించాడు బాలయ్య. ప్రతీ సంక్రాంతికి నారా వారి పల్లిలో ఘనంగా జరుపుకునే వారు బాల‌కృష్ణ. నారా- నందమూరి కుటుంబాలు కలిసి సంక్రాంతిని జరుపుకునేవి. అయితే ఈసారి మాత్రం ప్లేస్ మార్చాడు.
తన సోదరి పురుంధేశ్వరి ఊరు ప్రకాశం జిల్లా కారంచేడులో జరుపుకున్నాడు. తన భార్య వసుంధర, కుమారుడు మోక్షజ్ఞలతో సంక్రాంతి సంబంరాల్లో పాల్గొన్నాడు. నాచ్ ఘోడ గుర్రంపై ఎక్కి స్వారీ చేశాడు. తన కుమారుడు మోక్షజ్ఞ గుర్రంపై ఎక్కిన సందర్భంలో బాలయ్య కళ్లెం పట్టుకుని అదుపుచేశాడు.
చాలా ఎనర్జిటిక్ గా కనిపించడం..
ఇదిలా ఉంటే సముద్ర తీరంలో భార్య వసుంధరతో కలిసి జిప్సీ జీపులో సదరాగా గడిపారు బాల‌కృష్ణ. తన భార్య థంబ్ సింబ‌ల్ చూపించ‌కుండా చేతిని ఊపుతున్నందుకు ఆమెని థంబ్ సింబ‌ల్ చూపించ‌మ‌ని బాల‌కృష్ణ అంటాడు. వీరిద్ద‌రు కలిసి బీచ్ ఒడ్డున స‌రదాగా చ‌క్క‌ర్లు కొడుతూ ఫుల్ ఎంజాయ్ చేస్తున్నారు. ఎన్నడూ లేని విధంగా బాలయ్య తన ఫ్యామిలీలో ఎంజాయ్ చేయడం.. చాలా ఎనర్జిటిక్ గా కనిపించడం బాలయ్య అభిమానులకు అసలైన పండగను తీసుకువచ్చింది. చాలా రోజుల తర్వాత బాల‌కృష్ణ వారసుడు మోక్షజ్ఞ కనిపించడంతో నందమూరి అభిమానులకు ఎంతో ఆనందం వ్యక్తం చేస్తున్నారు.
