Rangam Bhavishyavaani : ప్రతి ఏడాది ఆషాడంలో అమ్మవారికి పూజలు జరుగుతాయి. తెలంగాణలో బోనాలను కన్నులపండుగగా జరుపుతారు. ప్రతిసారిలాగేనా ఈ ఏడాది ఘనంగా లష్కర్ బోనాల పండుగ మొదలయింది, రెండో రోజు రంగం కార్యక్రమం జరిగింది. అందులో భాగంగా మహంకాళి అమ్మవారు భవిష్యవాణి వినిపించారు. ఈ ఏడాది పంటల పరిస్థితి, వర్షాలు, రాజకీయాలు ఇలా అన్నింటి గురించి అమ్మవారు తెలిపారు.

వర్షాలు బాగుంటాయి…

రంగం భవిష్యవాణిని పచ్చికుండ పై నిలబడి స్వర్ణలత అమ్మవారు పూనాక భవిష్యత్తు చెప్పారు. గత ఏడాది ఇచ్చిన హామీలను మరచిపోయారంటూ అమ్మవారు పలికారు. ఈ ఏడాదైనా ఆ హామీలను తీర్చాలని చెప్పారు. ఇబ్బందులు ఉన్నా ఈ ఏడాది వర్షాలు పడుతాయని చెప్పారు.

అయితే అగ్నిప్రమాదలు జరుగుతాయని జాగ్రత్తగా ఉండాలని చెప్పారు. ఇక తను చూస్తూనే ఉన్నట్లు ప్రతి గడపను కాపాడుతానని అమ్మవారు అభయం ఇచ్చారు. పూజలు అన్నీ చక్కగా నిష్ఠతో చేసారని, తాను ఎవరు ఏమి చేసారో అన్నీ చూస్తున్నట్లుగా తెలిపారు. వచ్చే ఏడాది లోపు గతంలో ఇచ్చిన హామీలను తీర్చాలని చెప్పారు. ఇక బోనాల ఏర్పాట్లను మంత్రి తలసాని శ్రీనివాస్ యాదవ్ దగ్గరుండి పర్యవేక్షించగా లక్షలాది మంది ఈ ఏడాది బోనాలకు వచ్చారు.

Adhika Shravanam Effects : పండితులు జనార్ధన చార్యులు ఆషాడం తరువాత వచ్చే అధిక శ్రావణ మాసం గురించి వివరించారు. అనేక సందేహాలను నివృత్తి చేసారు. మామూలుగా శ్రావణ మాసం వస్తుంది అనగానే లక్ష్మీదేవి ఆరాధన, మరోవైపు పెళ్లిళ్లు వంటి శుభకర్యాలు పండుగలతో కళకళలాడుతుంది. కానీ ఈసారి వస్తున్న శ్రావణ మాసం అధిక మాసం. ఈ నెల 18న అమావాస్య తరువాత ప్రారంభమయ్యే అధిక మాసం వచ్చేనెల 16 వరకు కొన సాగుతుందని జనార్ధన చార్యులు తెలిపారు. అయితే ఈ అధిక శ్రావణ మాసంలో ఎటువంటి శుభకార్యాలు చేయొచ్చు వంటి విషయాలను ఆయన తెలిపారు.

పెళ్లిళ్ల వంటి శుభకార్యాలు చేయరాదు…

మన కాలమానంను సంవత్సరాలు, నెలలు, ఋతువులు, తిధులు, పక్షాలు అంటూ లెక్కిస్తాము. అయితే రెండు రకాల గణనాలు ఇక్కడ ఉంటాయి. ఒకటి సౌర మానం, మరొకటి చాంద్ర మానం. సౌరమాన సంవత్సరానికి చాంద్రమాన సంవత్సరానికి పదకొండుంబావు రోజులు తేడా ఉంది. చాంద్రమాన సంవత్సరం, సౌరమాన సంవత్సరం కన్నా చిన్నది. ఇదే మాదిరిగా చాంద్రమాన మాసం సౌరమాన మాసం కన్నా చిన్నది. ఇందువల్ల ఒక్కొక్కప్పుడు ఒక చాంద్రమాన మాసంలో సౌరమాసం ఆరంభం కావడం జరగకుండా పోతుంది. చాంద్రమానంలో సూర్య గమనం లేని మాసాన్ని ‘అధికమాసం’ అంటాం. అంటే, సూర్యుడు ఆ నెలలో ఏ రాశిలోనూ కొత్తగా ప్రవేశించడు.

ఇలా రెండు సార్లు చంద్రుడు తిరిగినా ఆర్యుడి గమనంలో మార్పు రాకపోతే అది అధికమాసం అవుతుంది అంటూ తెలిపారు. అధికంగా వచ్చే అధికమాసంలో శుభకార్యాలకు, ముఖ్యమైన దైవకార్యాలకు పనికిరాదని మన పెద్దలు నిషేధించారు. సూర్యుడి గమనం లేని మాసంలో శుభకర్యాలు, పెళ్లిళ్లు, గృహప్రవేశాలు, ఉపనయనం వంటివి చేయరాదని చెప్పారు. లక్ష్మి నారాయణుడి కి పూజలు చేస్తే మంచిదని ఈ అధికమాసం లో విష్ణువుకి పూజ చేస్తే మనం ఏది కోరుకుంటామో అది అధికంగానే లభిస్తుందని తెలిపారు.

Analyst Damu Balaji : అనంతపురం జిల్లా పుట్టపర్తి అనగానే సత్య సాయి బాబా గుర్తొస్తాడు. కొన్ని లక్షల విదేశీ, స్వదేశీ భక్తులు ఆయనకు ఉన్నారు. ఇండియా లోనే కాకుండా ఇతర దేశాల నుండి ఆయన కోసం ఇప్పటికీ భక్తులు వస్తూ ఆయన ఆశ్రమం దర్శిస్తుంటారు. ఇక పుట్టపర్తిలో సూపర్ స్పెషలిటీ హాస్పిటల్, విద్యా వైద్య సపదుపయాలను అందరికీ అందిస్తూ బాబా లేకపోయినా ఇప్పటికీ ఆ సేవలను ప్రజలకు అందిస్తున్నారు. ఇక సత్య సాయి బాబా 1926లో జన్మించగా చిన్నతనంలో తేలు కుట్టి మూడు రోజులు లేవలేక పోయాడట. ఆ తరువాత ఆయనలో మార్పులు కనిపించాయని సంస్కృత శ్లోకాలు పలకడం మొదలు పెట్టి వింత ప్రవర్తన చూపించడం, ఆ తరువాత తాను షిరిడి సాయి అవతారం అని చెప్పడం జరిగిందని అనలిస్ట్ బాలాజీ తెలిపారు.

ఆశ్రమంలో ఆరుగురి మీద కాల్పులు…

1918లో బాబా మరణించాక 1926లో పుట్టపర్తి బాబా జన్మించడం, తనని తాను షిరిడి సాయి గా చెప్పడంతో జనాలు ఆయన దర్శనం కోసం క్యూ కట్టారు. ఇక మొదట ఒక తోటలో కూర్చొని జనాలతో కలిసి భజనలు చేస్తూ ఉండే ఆయన జనాల్లో ప్రాచుర్యం పొందాక ఒక్కొక్కటిగా పుట్టపర్తిలో డెవలప్ అయ్యాయి. అటు విదేశీ భక్తులు క్కూడా ఎక్కువయ్యారు అంటూ బాలాజీ తెలిపారు. 1967 ఆ ప్రాంతంలో బాబా కి భక్తులు ఎక్కువయ్యారు. ఆలాగే ఆయనకు రాజకీయ నాయకుల సందర్శనం కూడా ఎక్కువైంది అంటూ బాలాజీ తెలిపారు. ఆయన ఆశ్రమాలను విదేశాల్లో కూడా స్థాపించారు అంటూ చెప్పారు. అయితే బాబా జీవితంలో మాసిపోని మచ్చ 1993 జరిగిన కాల్పులు.

ఆశ్రమంలో ఆరుమంది మీద కాల్పులు జరగడం అప్పట్లో సంచలనం సృష్టించింది అంటూ చెప్పారు. అయితే బాబా ను కత్తితో పొడవడానికి కొందరు ప్రయత్నించగా అడ్డుకున్న వారిని కాల్చారు అంటూ అప్పట్లో ఆశ్రమంలో చెప్పిన కథనాలు జోరు గా వినిపించాయి. ఆశ్రమంలో ఏదో జరుగుతోంది అనే వార్తలు బయటికి వ్యాపించడం బాబా కీర్తి మసకబారడంతో విరాళాలు సేకరించిన డబ్బుతో ఆ చుట్టూ పక్కల ప్రాంతాల్లో తాగు నీరు సౌకర్యం కల్పించారు. అలాగే వైద్య, విద్యా సౌకర్యాలను కల్పించారు అంటూ బాలాజీ తెలిపారు. ఇక ఆశ్రమంలో కాల్పులు ఎవరు ఎందుకు చేసారో ఇప్పటికీ తెలియదని తెలిపారు.