Devatha Serial Fame Vaishnavi : సినిమాలలో నటించే హీరోయిన్లకే కాదు మన బుల్లితెర మీద నటించే హీరోయిన్లకు కూడా క్రేజ్ ఆ రేంజ్ లోనే ఉంటుంది. ఈ కోవలోకే వస్తుంది దేవత సీరియల్ ఫేమ్ వైష్ణవి. సీరియల్ మొదట్లో హీరోయిన్ రుక్మిణి కి చెల్లెలు సత్య పాత్రలో వైష్ణవి నటించింది. ఆ సీరియల్ లో నటించింది కొంతకాలమే అయినా హిట్ సీరియల్ కావడంతో వైష్ణవికి సీరియల్ ద్వారా క్రేజ్ బాగా వచ్చింది అనే చెప్పాలి. తరువాత కొన్ని వ్యక్తిగత కారణాలతో సీరియల్ నుండి తప్పుకుంది. తరువాత సీరియల్స్ కు దూరం అయినా ఫాన్స్ మాత్రం తగ్గలేదు.

తన యూట్యూబ్ ఛానల్ ద్వారా అభిమానులకు గుడ్ న్యూస్…

దేవత సీరియల్ నుండి తప్పుకున్నాక వైష్ణవి మరొక సీరియల్ లో అయితే కనిపించలేదు కానీ ‘వాహ్ వైష్ణవి’ అనే యూట్యూబ్ ఛానల్ ద్వారా అభిమానులకు దగ్గరగా ఉంది. ఆమె జీవితంలో జరిగే ప్రతి విషయాన్ని అభిమానులతో పంచుకుంటూ వారికి చేరువలో ఉంది. కాగా ఇటీవల వైష్ణవి వివాహం అంగరంగ వైభవంగా జరిగింది. కరీంనగర్ కు చెందిన సీరియల్ దర్శకుడు సురేష్ కుమార్ ను ప్రేమ వివాహం చేసుకుంది. ఈమధ్య వీటికి సంబందించిన ఫోటోలు, వీడియోలు కూడా వైరల్ అయ్యాయి.

అయితే ఈ మధ్య చాలా రోజుల నుండి తన యూట్యూబ్ ఛానల్ లో కూడా వైష్ణవి కనిపించలేదు. చాలా రోజుల తర్వాత నిన్న శుక్రవారం ఒక గుడ్ న్యూస్ తో ప్రేక్షకుల ముందుకు వచ్చింది. తాను ప్రెగ్నెంట్ అని త్వరోలోనే తల్లి కాబోతున్నట్టు శుభవార్త చెప్పింది. ఇన్ని రోజులుగా ఆరోగ్యం బాగోలేదని వాంతులు అవుతున్నాయని చెప్పుకొచ్చింది. ఇంకా ఈ విషయాన్ని ఎలా చెప్పాలో తెలియక ఇన్ని రోజులు టైం తీసుకున్నట్టు వీడియోలో పేర్కొనింది.