Director Geetha Krishna : సంకీర్తన సినిమాతో మొదలై కోకిల, టైం, సర్వర్ సుందరం గారి అబ్బాయి వంటి విభిన్న సినిమాలతో వచ్చిన దర్శకుడు గీతా కృష్ణ ఎక్కువ సినిమాలు తీయలేదు. కేవలం తెలుగులో ఆరు సినిమాలు తీసిన ఆయన ఆ తరువాత మీడియా, జనానికి కనిపించకుండా పోయాడు. ఇక ప్రస్తుతం సోషల్ మీడియాలో పలు చానెల్స్ కి ఇంటర్వ్యూలు ఇస్తూ హల్ చల్ చేస్తున్నాడు. సినిమా రంగంలోని చాలా మంది సెలబ్రిటీల గురించి మాట్లాడుతూ వైరల్ అవుతున్నాడు.

బాలకృష్ణ సినిమాని క్యాష్ చేసుకోలేక పోయాడు…

గీతా కృష్ణ తన సినిమాల గురించి మాట్లాడుతూ ఒక్క సినిమా కూడా నష్టాన్ని మిగల్చలేదని చెప్పారు. నాకు మార్కెట్ చేసుకోవడంలో టాలెంట్ ఉందని, అలా నేను ఒక రూపాయి ఎక్కువకే మార్కెట్ చేసుకున్నాను అంటూ చెప్పారు. సి కళ్యాణ్ లాంటి వాళ్ళు బాలకృష్ణ సినిమాను క్యాష్ చేసుకోలేక పోయాడు.

దాసరి కాంబినేషన్ లో బాలకృష్ణ నటించిన సినిమాను అమ్ముకోడానికే కళ్యాణ్ చాలా కష్టపడ్డాడు. బాలకృష్ణ సినిమాను ఎవరూ కొనాలని అనుకోలేదు. కానీ అలా కాదు, సినిమా తీయాలని అనుకున్నపుడే దాన్ని మార్కెట్ చేసుకోవడం కూడా తెలియాలి, ఆది తెలిసినోడే ఇక్కడ సక్సెస్ అవుతాడు. ఇక్కడ అందరూ దొంగలే ఎవరూ సహాయం చేయరు అంటూ గీతా కృష్ణ చెప్పారు.