బిగ్ బాస్ 9 కోసం నాగార్జున రెమ్యూనరేషన్ ఎన్ని కోట్లో తెలుసా?

అమరావతి: తెలుగు ప్రేక్షకులలో భారీ క్రేజ్ సంపాదించిన బిగ్ బాస్ షో మళ్లీ ప్రారంభం కానుంది. ఇప్పటికే ఎనిమిది సీజన్లు విజయవంతంగా పూర్తి కాగా, తొమ్మిదో సీజన్ కోసం ఏర్పాట్లు జోరుగా సాగుతున్నాయి. గత కొన్ని సీజన్లలో క్రేజ్ తగ్గుతుండటంతో, ఈ సారి నిర్వాహకులు కొత్త కాన్సెప్ట్‌తో ముందుకు వస్తున్నారు. ఈ సీజన్‌లో ముగ్గురు కామన్ పర్సన్స్‌కు అవకాశం కల్పించాలని నిర్ణయించుకున్నట్లు సమాచారం.

‘అగ్నిపరీక్ష’తో సామాన్యుల ఎంపిక

బిగ్ బాస్ 9లో కామన్ పర్సన్స్‌ను ఎంపిక చేయడానికి ఆగస్టు 22 నుంచి “అగ్నిపరీక్ష” అనే ప్రత్యేక కాన్సెప్ట్‌ను నిర్వహిస్తున్నారు. ఈ అగ్నిపరీక్షలో సెలెక్ట్ అయిన వారిలో ముగ్గురిని బిగ్ బాస్ హౌస్‌లోకి తీసుకుంటారు. ఈ నిర్ణయం ద్వారా సాధారణ ప్రజలకు కూడా తమ జీవిత కథలను, నైపుణ్యాలను బిగ్ బాస్ వేదికపై ప్రదర్శించుకునే అవకాశం లభిస్తుంది.

నాగార్జున రెమ్యునరేషన్

ఎప్పటిలాగే ఈ సీజన్‌కు కూడా అక్కినేని నాగార్జునే హోస్ట్ చేయబోతున్నారు. గత సీజన్‌లో రూ.15 కోట్ల వరకు రెమ్యునరేషన్ తీసుకున్న నాగార్జున, ఈసారి తన డిమాండ్‌ను పెంచినట్లు తెలుస్తోంది. ఈ సీజన్‌కు ఆయన సుమారు రూ.25 కోట్ల వరకు తీసుకుంటున్నారని సమాచారం. ఇంతవరకు ఆయన సినిమాలకు కూడా ఈ స్థాయిలో రెమ్యునరేషన్ తీసుకోలేదని చెబుతున్నారు.

కంటెస్టెంట్ల గురించి ఊహాగానాలు

ఈసారి కొంత ఫేమ్ ఉన్న సెలబ్రిటీలను మాత్రమే తీసుకోవాలని నిర్వాహకులు నిర్ణయించుకున్నట్లు వార్తలు వస్తున్నాయి. ప్రస్తుతం కమెడియన్ ఇమ్మాన్యుయేల్, చిట్టి పికిల్స్ రమ్య మోక్ష వంటి సోషల్ మీడియాలో పాపులారిటీ తెచ్చుకున్న వారి పేర్లు వినిపిస్తున్నాయి. సీరియల్ ఆర్టిస్టులకు కూడా ఎక్కువ ప్రాధాన్యం ఇస్తున్నారని తెలుస్తోంది. జబర్దస్త్ కమెడియన్ల పేర్లు కూడా వినిపిస్తున్నప్పటికీ, ఫైనల్ కంటెస్టెంట్ల జాబితా విడుదలయ్యే వరకు పూర్తి క్లారిటీ రానుంది.