Jambalakadipamba: ఈదర వీర వెంకట సత్యనారాయణ (ఈవీవీ) గురించి ప్రత్యేకంగా చెప్పాల్సిన పనిలేదు.bసినిమా పై మక్కువతో కెరియర్ మొదట్లో అసిస్టెంట్ డైరెక్టర్ గా అడుగుపెట్టిన ఈవీవీ ఎన్నో సినిమాలకు అసిస్టెంట్ డైరెక్టర్ గా పని చేస్తున్న సమయంలో ఈయన జంబలకిడిపంబ రాసి ఆ కథను ఆంధ్రజ్యోతి సపరివార పత్రికకు పంపించారు. ఈ కథ చూసిన పత్రికా సమస్త వారు ఇది కూడా ఒక కథేనా అంటూ ఆ కథని వెనక్కి పంపించారు.

ఇలా ఈ కథతో ఈవీవీ అద్భుతమైన సినిమాలు తీయాలని దర్శకుడిగా తనకు ఒక మంచి గుర్తింపు వచ్చిన తర్వాత ఈ సినిమా చేయాలని భావించారు. అయితే ఈ కథ రాసేటప్పుడు ఇందులో హీరోగా రాజేంద్ర ప్రసాద్ ను అనుకుని రాశారు. ఇక డైరెక్టర్ గా తనకంటూ ఓ గుర్తింపు వచ్చిన తర్వాత ఈ సినిమా చేయటానికి సన్నాహాలు చేశారు. అయితే ఆ సమయంలో రాజేంద్రప్రసాద్ బిజీగా ఉండటం వల్ల నరేష్ ను హీరోగా తీసుకున్నారు.

ఇక హీరోయిన్ కోసం ఎన్నో ప్రయత్నాలు చేసినా ఎవరూ కుదరకపోవడంతో ఆమనిని ఎంపిక చేశారు. డివివి దానయ్య, ఆచంట గోపినాథ్ నిర్మాతలుగా ఈ చిత్రాన్ని తెరకెక్కించారు. నెల రోజుల వ్యవధిలోనే ఈ సినిమా షూటింగ్ పూర్తి చేసుకొని ఈ సినిమాను 1992 జులై 12వ తేదీ ఈ సినిమాని విడుదల చేశారు.

100 రోజుల వేడుకకు హాజరైన రాజేంద్రప్రసాద్..

ఇలా 50 లక్షల బడ్జెట్ తో తెరకెక్కిన ఈ సినిమా రెండు కోట్లు వసూలు చేసింది. ఈ సినిమాకు వచ్చిన రెస్పాన్స్ అప్పట్లో ఓ సెన్సేషన్ గా మిగిలిపోయింది. ఆడవారు మగవారిగా మగవారు ఆడవారుగా నటించడంతో ఈ సినిమా ప్రతి ఒక్క ప్రేక్షకుడిని ఆకట్టుకుంది. ఈ సినిమా హిట్ కావడంతో హీరోయిన్ ఆమనికి వరుస అవకాశాలు వచ్చాయి. ఈ సినిమా 100 రోజుల వేడుకకు ముఖ్య అతిథిగా హీరో రాజేంద్రప్రసాద్ హాజరయ్యారు.