Hero Shivaji : వైఫ్, మిస్సమ్మ, టాట బిర్లా మధ్యలో లైలా, అదిరిందయ్య చంద్రం వంటి సినిమాలలో హీరోగా నటించిన హీరోగా తనకంటూ మంచి గుర్తింపు తెచ్చుకున్న నటుడు శివాజీ . అయితే ఈ సినిమాల కంటే ముందే శివాజీ దాదాపు తెలుగులోని అగ్ర హీరోలందరితోనూ స్క్రీన్ షేర్ చేసుకుని సహాయక పాత్రలు చేసి మెప్పించారు. అయితే శివాజీ సినిమాల్లో నటించాలని, హీరో అయిపోవాలనే ఆలోచనతో ఇండస్ట్రీ వైపుకి రాలేదు. డిగ్రీ అయ్యాక ఉద్యోగం కోసం హైదరాబాద్ వచ్చిన శివాజీ కి కే.ఎస్ రామారావు గారి వద్ద ఎడిటింగ్ సూట్ నేర్చుకునే అవకాశం వచ్చి అక్కడ నేర్చుకున్నాక జెమినీ టీవిలో ఎడిటర్ గా పనిచేస్తూ అనూహ్యంగా యాంకర్ అయ్యాడు. అలా ఇండస్ట్రీ కంట పడిన శివాజీ ఆపైన మాస్టర్ వంటి సినిమాల్లో నటించి మంచి గుర్తింపు అందుకున్నాడు. అలా క్యారెక్టర్ ఆర్టిస్ట్ గా ఉంటూనే హీరోగా వచ్చిన అవకాశాలను చేస్తూ మరోవైపు డబ్బింగ్ కూడా చెప్పిన శివాజీ ఇండస్ట్రీలో ఎదుర్కొన్న అవమానాలను తాజాగా ఒక ఇంటర్వ్యూలో తెలిపారు.

వాడిని కొట్టినా చెప్పుకోలేడు…

ఎంతో మందికి సహాయం చేసినా వాళ్ళు నా సహాయం తీసుకుని నా గురించే చెడుగా చెప్పేవాళ్ళను నా లైఫ్ లో చూసాను. ఇవన్నీ చెబితే చాలా సంఘటనలు ఉన్నాయి. నా వల్ల ఇండస్ట్రీలో నిలదొక్కుకున్న వాళ్ళు పక్కకు పోయి నా గురించి మర్యాద లేకుండా మాట్లాడినవాళ్ళు నాతోనే ఉంటూ నన్ను తొక్కేసిన వాళ్ళు ఉన్నారు.

ఇక ఇంటర్వ్యూలో మన విషయాలను చెబితే వాళ్ళు హైప్ రావడానికి పెట్టే థంబ్ నైల్ వల్ల మళ్ళీ ఒక సమస్య. ఒక ఏడాది క్రితం ఒకడు నా ఇంటర్వ్యూ తీసుకుని పిచ్చి పిచ్చి థంబ్ నైల్ పెట్టాడు. ఒకరోజు కనిపిస్తే రోడ్డులోనే కొట్టాను ఎం మాట్లాడకుండా వెళ్లి ఆ వీడియో డిలీట్ చేసాడు. వాడు నేను కొట్టిన సంగతి ఎవరికీ బయటకి చెప్పుకోలేడు అంటూ తెలిపారు.