Actor Shivaji : సింహం ముందు కోతి చేష్టలు… జగన్ పని అయిపోయింది… వచ్చేది తెలుగుదేశమే…: నటుడు శివాజీ

Actor Shivaji : హీరోగానూ అటు క్యారెక్టర్ ఆర్టిస్ట్ గానూ నటించిన శివాజీ ప్రస్తుతం సినిమాలకు దూరంగా ఉంటున్నారు. మళ్ళీ మంచి ఆఫర్స్ వస్తే సినిమాల్లో నటిస్తానంటూ చెప్తున్న శివాజీ రాజకీయాల గురించి ఎక్కువగా మాట్లాడుతూ రాజకీయాల్లో క్రియాశీలకంగా ఉంటున్నారు. గత ఎన్నికల సమయంలో ‘ఆపరేషన్ గరుడ’ అంటూ హల్చల్ చేసిన ఈయన మళ్ళీ ఇపుడు రాజకీయాల గురించి మాట్లాడుతూ జగన్ సీఎం అయితే ఏమవుతుందో ఎపుడో చెప్పానంటూ చెబుతున్నారు. ఇక తాజా రాజకీయాల గురించి ఇటీవల ఇంటర్వ్యూలో మాట్లాడారు.

అరుణ్ కుమార్ అంటే నచ్చదు…

ఉండవల్లి అరుణ్ కుమార్ రాజశేఖర్ రెడ్డి గారు సీఎం గా ఉన్న సమయంలోనే రామోజీ గ్రూప్స్ అధినేత రామోజీ రావు గారి మీద కేసు వేసాడు. ఆయన తనకు తాను మేధావి అనుకుంటూ రామోజీ మీద కేసు వేసాను కాబట్టి నేను గొప్పవాడిని రామోజీ రావు చీటర్ అన్నట్లు ప్రెస్ మీట్స్ లో మాట్లాడుతున్నాడు. రాజశేఖర్ రెడ్డి వల్లే కాలేదు రామోజీ రావు ను ఏదైనా చేయడానికి. ఆయన బిజినెస్ లో మోసమే చేస్తుంటే ఇన్నేళ్లలో ఎవరో ఒకరు ఫిర్యాదు చేస్తారు కానీ అలా జరగలేదు.

ఇప్పుడు కూడా అరుణ్ కుమార్ ఏదో సాధించానని అనుకుంటున్నారు. అవన్నీ సింహం ముందు కోతి చేష్టలే అవుతాయి. రామోజీ గారిని ఎవరూ ఏమి చేయలేరు అంటూ అభిప్రాయపడ్డారు. ఇక ఏపీ రాజకీయాల గురించి మాట్లాడుతూ జగన్ సీఎం అయితే ఎలా ఉండబోతుంది అని ఆల్రెడీ నేను చెప్పాను అదే ఇప్పుడు జరుగుతోంది. జగన్ మీద ప్రభుత్వ శాఖలే పెట్టిన కేసులు దాదాపు 30 కిపైగా ఉన్నాయి, ఉండవల్లి అరుణ్ కుమార్ కు ఆ కేసులు కనిపించలేదు. అయినా జగన్ వేసే ప్రతి అడుగు టీడీపీ ఈసారి గెలవడానికి కారణం అవుతోంది. ఈరి టీడీపీ గెలుపు ఎవరితో పొత్తు ఉన్నా లేకపోయినా నల్లేరు మీద నడకే అంటూ అభిప్రాయపడ్డారు.